25.02.2026 | 18:33
Նարեկ Կարապետյանի ասուլիսը. ՈՒՂԻՂ
«Վերականգնվել է արդարությունը». Ադրբեջանի ԱԳ փոխնախարարը՝ Արցախի ղեկավարների դատավճիռների մասին
25.02.2026 | 13:21
Ադրբեջանի արտաքին գործերի փոխնախարար Էլնուր Մամեդովը փետրվարի 23-25-ն այցով եղել է Ժնևում՝ ՄԱԿ-ի Մարդու իրավունքների խորհրդի 61-րդ նստաշրջանի բարձր մակարդակի հատվածին մասնակցելու համար։Ադրբեջանի ԱԳՆ-ն հայտնում է, որ այցի ընթացքում փոխնախարարը ելույթ է ունեցել ՄԱԿ-ի Մարդու իրավունքների խորհրդի 61-րդ նստաշրջանի բարձր մակարդակի հատվածում։
Իր ելույթի ընթացքում նա ներկայացրել է Ադրբեջանի և Հայաստանի միջև հարաբերությունների կարգավորման ներկա վիճակը, անդրադարձել նաև Արցախի ղեկավարների, հայ գերիների ապօրինի ու շինծու դատավարություններին։
Նա ասել է, թե, իբր, «պատերազմական հանցագործությունների և մարդկության դեմ ուղղված հանցագործությունների մեջ մեղադրվողների դատավարությունները անցկացվել են միջազգային և ազգային իրավունքի նորմերին համապատասխան», և որ «երկիրը վերականգնել է արդարությունը կայացված որոշումների միջոցով»։ Ըստ նրա՝ կայացված դատավճիռները պատմական արդարության վերականգնում էին։
Մամեդովը նշել է, թե ՄԱԿ-ի Մարդու իրավունքների խորհրդի կամայական կալանքի հարցերով աշխատանքային խմբի՝ Ռուբեն Վարդանյանի վերաբերյալ 2025 թվականի մարտի 13-ին հրապարակված կարծիքը մերժել է հայկական կողմի մեղադրանքները և վերահաստատել, թե Ադրբեջանի կողմից իրականացված իրավական ընթացակարգերը համապատասխանում են միջազգային չափանիշներին։
Թարգմանությունը՝ Էմմա Չոբանյանի
