UFC-ի թեթև քաշային կարգի դասակարգման առաջատար Արման Ծառուկյանը վերհիշել է մանկության դժվար տարիները։
«Կյանքը շատ է փոխվել։ 3-7 տարեկանում շատ ծանր շրջան էր։ Մենք քնում էինք ավտոմեքենայում, տուն չունեինք այդ ժամանակ։ Շատ ցուրտ էր, մենք ապրում էինք ցուրտ վայրում։ Այդ ժամանակ մի դաղստանցի առաջարկեց անվճար ապրել իրենց տանը։ Եվ մենք մեկ տարի ապրեցինք նրանց տանը, մինչև կկառուցեինք մեր տունը»,- Դանիել Կորմյեի հետ հարցազրույցում ասել է Արման Ծառուկյանը։
29-ամյա Ծառուկյանը խառը մենամարտերում մասնակցել է 26 հանդիպման, տարել 23 հաղթանակ ու կրել 3 պարտություն։
