13.10.2026 | 17:45
Էդվարդ Կարապետյանը նշանակվել է ՀՀ քննչական կոմիտեի Երևան քաղաքի քննչական վարչության պետ
Դավիթ Լոքյանը պատրաստվում է աղբամաններ տեղադրել «եկեղեցական օբյեկտներում»
Քաղաքականություն
20.07.2017 | 15:29
Օրենքով չնախատեսված վայրում աղբ թափելու համար նվազագույն տուգանքի չափ առաջարկվում է սահմանել 16 հազար դրամը, խոշոր ձեռնարկությունների համար էլ տուգանքը պետք է կազմի 200-300 հազար դրամ։ Այս մասին այսօր Կառավարության նիստից հետո լրագրողների հետ զրույցում տեղեկացրեց ՀՀ տարածքային կառավարման և զարգացման նախարար Դավիթ Լոքյանը՝ անդրադառնալով «Մաքուր Հայաստան» ծրագրի իրականացման շրջանակում ձեռնարկվող քայլերին:
«Մարդիկ պետք է հասկանան մի պարզ բան՝ չի կարելի ավտոմեքենաների պատուհաններից դատարկ շշեր շպրտել։ Մենք յուրաքանչյուր շաբաթ մաքրում ենք այդ տարածքները, բայց նորից հայտնվում են աղբի կուտակումներ: Սա գալիս է նրանից, որ մենք չենք ձևավորել դաստիարակության նորմեր դպրոցից, ընտանիքից, իհարկե, բոլորին չի վերաբերում»,- ասաց Լոքյանը:
Լոքյանն ասաց՝ երկրում աղբամանների կարiք կա և հաջորդ տարի՝ 2018 թվականին, նախարարությունը պատրաստվում է շուրջ 10 հազար աղբաման գնել։
«Դրանք տեղադրվելու են մշակութային, եկեղեցական օբյեկտներում, զբոսաշրջային վայրերում»,- հայտնեց նախարարը՝ շարունակելով. «Մենք պատրաստել ենք տասնյակի հասնող ռոլիկներ, նյութեր, յուրաքանչյուր մարզի համար պատրաստել ենք գլխարկներ՝ համապատասխան անվանումով, օրինակ մաքուր Տավուշ և այլն, նույնիսկ բաժակներ: Երբ մարդու շրջակայքում այդ կարգի զգուշացնող իր կա, ապա մարդը դառնում է ավելի զգոն»:
Առավել մանրամասն՝ տեսանյութում:
Շողիկ Գալստյան
