27.10.2026 | 22:30
ԵՄ սահմանային գործակալությունը «կմտնի» սոցցանցեր․ Եվրահանձնաժողովն առաջարկում է ընդլայնել Frontex-ի մանդատը
Հայտնի է դարձել Չաբի Ալոնսոյի հեռացման պատճառը
13.01.2026 | 13:46
Մադրիդի «Ռեալում» գլխավոր մարզիչի փոփոխություն տեղի ունեցավ հունվարի 12-ին։ Չաբի Ալոնսոյին փոխարինեց Ալվարո Արբելոան։
AS-ի համաձայն՝ «Արքայական ակումբի» ղեակավարությունն Ալոնսոյին հեռացնելու մասին որոշում է կայացրել նրա հետ զրույցից հետո։ Իսպանիայի Սուպերգավաթի խաղարկության եզրափակիչում կատալոնական «Բարսելոնայից» կրած պարտությունից հետո իսպանացի մասնագետը եղել է «Ռեալի» գրասենյակում և հայտնել, որ հոգնել է ստեղծված իրավիճակից ու չի կարող աշխատել նման ճնշման ներքո։ Դրանից հետո ակումբի ղեկավարությունը որոշել է, որ Ալոնսոն չի կարող թիմին դուրս բերել ճգնաժամից։ 44-ամյա մարզիչի որոշման վրա ազդել է նաև այն, որ նա այդպես էլ չի կարողացել մեծ հարգանք վայելել ֆուտբոլիստների շրջանում ու արժանանալ ակումբի ղեկավարության վստահությանը։
Չաբի Ալոնսոն այս մրցաշրջանից առաջ էր գլխավորել «Ռեալը», որի գլխավորությամբ անցկացրել է 34 հանդիպում, տարել 24 հաղթանակ, կրել 6 պարտություն ու գրանցել 4 ոչ-ոքի։
Իսպանիայի առաջնության 19-րդ տուրից հետո մադրիդյան ակումբը երկրորդ տեղում է և 4 միավոր զիջում է առաջատար «Բարսելոնային»։
