15.04.2026 | 23:15
Մրգաշենում սպանություն կատարած եղբայրները կալանավորվել են. ՔԿ
Չաբի Ալոնսոն հեռացվեց «Ռեալից»․ նոր մարզիչը հայտնի է
12.01.2026 | 21:26
Մադրիդի «Ռեալի» գլխավոր մարզիչ Չաբի Ալոնսոն հեռացվել է զբաղեցրած պաշտոնից, հաղորդում է ակումբի մամուլի ծառայությունը։
44-ամյա իսպանացի մասնագետի պայմանագիրը խզվել է երկկողմ համաձայնությամբ։
Չաբի Ալոնսոն այս մրցաշրջանից առաջ էր գլխավորել «Ռեալը», որն Իսպանիայի Լա լիգայի 19-րդ տուրից հետո երկրորդ տեղում է և 4 միավոր զիջում է առաջատար «Բարսելոնային», իսկ Չեմպիոնների լիգայում 6 խաղից հետո 12 միավորով 7-րդն է։ Մադրիդ վերադառնալուց առաջ նախկին ֆուտբոլիստը 3 տարի գլխավորում էր Լևերկուզենի «Բայերը»։
«Ռեալի» գլխավոր մարզիչ է նշանակվել իսպանացի մասնագետ Ալվարո Արբելոան։ «Ռեալի» և Իսպանիայի հավաքականի նախկին պաշտպանը մինչև այս գլխավորում էր մադրիդցիների երիտասարդական թիմը։
Հիշեցնենք, որ հունվարի 11-ին «Արքայական ակումբն» Իսպանիայի Սուպերգավաթի խաղարկության եզրափակիչում 2։3 հաշվով պարտվել էր կատալոնական «Բարսելոնային»։
