27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
«Բարսելոնան» հաղթեց «Ռեալին» ու դարձավ Իսպանիայի սուպերգավաթակիր․ ՏԵՍԱՆՅՈՒԹ
12.01.2026 | 01:05
Կատալոնական «Բարսելոնան» դարձավ ֆուտբոլի Իսպանիայի Սուպերգավաթի խաղարկության հաղթող։
Սաուդյան Արաբիայում կայացած մրցաշարի եզրափակիչում «Բարսելոնան» 3։2 հաշվով առավելության հասավ Մադրիդի «Ռեալի» նկատմամբ։ Գոլառատ ստացվեց 2։2 հաշվով ավարտված առաջին խաղակեսը, որի ավելացված ժամանակում գրանցվեց 3 գոլ։
Իսպանիայի չեմպիոնի կազմում դուբլի հեղինակ դարձավ բրազիլացի վինգեր Ռաֆինյան, մեկ գոլ էլ խփեց լեհ հարձակվող Ռոբերտ Լևանդովսկին։ «Արքայական ակումբից» աչքի ընկան բրազիլացի վինգեր Վինիսիուս Ժունիորը և իսպանացի հարձակվող Գոնսալո Գարսիան։
Կիսաեզրափակիչում «Բարսելոնան» 5 անպատասխան գնդակ էր ուղարկել Բիլբաոյի «Աթլետիկի» դարպասը, իսկ «Ռեալը» 2։1 հաշվով հաղթել էր Մադրիդի «Աթլետիկոյին»։
«Բարսելոնան» թարմացրեց սեփական ռեկորդն ու 16-րդ անգամ դարձավ Իսպանիայի սուպերգավաթակիր։ «Ռեալն» այս մրցաշարում հաղթել է 13 անգամ։
