14.05.2026 | 21:45
Կյանքից հեռացել է Ժողովրդական արտիստ Նիկոլայ Ծատուրյանը
Թրամփը չի հավատում, որ ուկրաինացիները հարձակվել են Պուտինի նստավայրի վրա
Քաղաքականություն
05.01.2026 | 14:39
ԱՄՆ նախագահ Դոնալդ Թրամփը, գտնվելով Air Force One ինքնաթիռում, ասել է, որ չի հավատում Ռուսաստանի նախագահ Վլադիմիր Պուտինի՝ Վալդայում գտնվող նստավայրի վրա Ուկրաինայի կողմից կատարված հարվածի մասին հաղորդագրություններին․ գրում է svoboda.org-ը։
«Ես չեմ հավատում, որ այդ հարվածը տեղի է ունեցել։ Մոտակայքում ինչ-որ բան է պատահել, բայց դա դրա հետ կապ չունի», – ասել է Թրամփը։
Երբ ԱՄՆ նախագահին հարցրել են, թե այդ դեպքում Պուտինի հետ հեռախոսազրույցից հետո ինչու էր հավատացել, որ հարվածը տեղի է ունեցել, Թրամփը պատասխանել է. «Որովհետև այդ ժամանակ ոչ ոք չգիտեր։ Առաջին անգամ էի լսում։ Նա ասաց, որ իր տունը հարձակման է ենթարկվել։ Հիմա, երբ մենք կարողացանք ստուգել, մենք չենք հավատում, որ դա տեղի է ունեցել»։
Հիշեցնենք, որ Ռուսաստանի արտաքին գործերի նախարար Սերգեյ Լավրովն առաջինն էր հայտնել դեկտեմբերի 29-ի գիշերը Վալդայում գտնվող Պուտինի նստավայրի վրա անօդաչու թռչող սարքերով հարձակման փորձի մասին։
Հիշեցնենք նաև, որ ՌԴ նախագահի խոսնակ Պեսկովը հայտարարել էր, որ Պուտինի նստավայրի վրա հարձակման փորձ է արվել ու այն «ահաբեկչություն» էր որակել՝ ուղղված Թրամփի դեմ։
Ուկրաինայի նախագահ Վլադիմիր Զելենսկին Պուտինի նստավայրի վրա հարձակման մասին հայտարարությունն անվանել էր «սուտ» և դա կապել էր այն բանի հետ, որ Ռուսաստանը պատրաստվում է հարված հասցնել Կիևի կառավարական թաղամասին։
Թարգմանությունը՝ Անահիտ Խաչատրյանի
