Թրամփը հայտարարել է, որ զայրացած էր Պուտինի՝ իր նստավայրի վրա, իբր, Ուկրաինայի հարձակման վերաբերյալ խոսքերից

Լուրեր

21.11.2026 | 12:34
Աբովյանի համայնքային սեփականությանն է վերադարձվել 33 քմ հողատարածք
21.11.2026 | 12:16
NYMEX. Թանկարժեք մետաղների գները նվազել են
21.11.2026 | 11:55
Նարեկ Մկրտչյանը հանդիպել է ԱՄՆ Կոնգրեսի Ներկայացուցիչների պալատի երեք անդամների հետ
21.11.2026 | 11:42
Total Chess. Հայկ Մարտիրոսյանը հաղթել է վերջին խաղային օրը
21.11.2026 | 11:33
Նավթի գները նվազել են
21.11.2026 | 11:11
Արտարժույթների փոխարժեքները՝ նոյեմբերի 21-ի դրությամբ
21.11.2026 | 10:50
Նարեկ Մկրտչյանը մասնակցել է Մելանիա Թրամփի վավերագրական շարքի համաշխարհային պրեմիերային
21.11.2026 | 10:25
Ամփոփիչ մրցաշարում հայտնի են կիսաեզրափակիչի զույգերը. ՏԵՍԱՆՅՈՒԹ
21.11.2026 | 10:15
ՀՀ տարածքում ավտոճանապարհները հիմնականում անցանելի են
21.11.2026 | 09:30
Դավիթ Սիմոնյանը հաղթել է նոկաուտով ու մեդալ ապահովել Մ-23 ԵԱ-ում. ՏԵՍԱՆՅՈՒԹ
21.11.2026 | 00:06
Էդուարդ Սպերցյանը մասնակցեց «Ալ Նասրի» նկատմամբ հաղթանակին. ՏԵՍԱՆՅՈՒԹ
20.11.2026 | 23:39
Հայաստանը համերաշխություն է հայտնում Վրաստանին այս դժվարին պահին. Փաշինյան
20.11.2026 | 23:13
Հայաստանն ու Ալբանիան քննարկվել են տնտեսական համագործակցության խորացման հեռանկարները
20.11.2026 | 23:00
Լոռու մարզում գազանջատումներ կլինեն
20.11.2026 | 22:47
Թուրքական արտադրության Kizilelma անօդաչու կործանիչն աշխարհում առաջինն է անցել զինվորական ծառայության
Բոլորը

ԱՄՆ նախագահ Դոնալդ Թրամփը հայտարարել է, որ «շատ զայրացած էր», երբ Ռուսաստանի առաջնորդ Վլադիմիր Պուտինը հեռախոսազրույցի ժամանակ ասել է, իբր, Ուկրաինայի կողմից անօդաչու թռչող սարքերով Նովգորոդի մարզում գտնվող իր նստավայրի վրա հարձակման փորձի մասին, գրում է DW-ի ռուսական ծառայությունը։

Թրամփի խոսքով՝ զրույցը տեղի է ունեցել տեղական ժամանակով առավոտյան ժամը 8:00-ին: Այս համատեքստում ԱՄՆ նախագահը նաև հիշեցրել է, որ ինքը դեմ է եղել Tomahawk հեռահար թևավոր հրթիռները Կիևին փոխանցելուն։

«Մի՛ մոռացեք Tomahawk-ի մասին։ Ես կանգնեցրի Tomahawk-ը։ Ես չէի ուզում դա [փոխանցել Ուկրաինա]»,- ասել է  Թրամփը։

Միաժամանակ, նա հայտարարել է, որ Միացյալ Նահանգները «կպարզի»՝ արդյո՞ք անօդաչու թռչող սարքերով հարձակում է տեղի ունեցել Ռուսաստանի առաջնորդի նստավայրի վրա։

«Դուք ասում եք, որ գուցե հարձակում չի եղել, դա հնարավոր է։ Բայց նախագահ Պուտինն այսօր առավոտյան ինձ ասաց, որ այդպիսին եղել է»,- հավելել է Թրամփը՝ պատասխանելով լրագրողի հարցին։

Ընդհանուր առմամբ, Սպիտակ տան ղեկավարը ՌԴ նախագահի հետ իր զրույցը որակել է «շատ լավ» և «շատ արդյունավետ»։ Նա նաև նշել է, որ խաղաղության գործընթացում «շատ քիչ դժվար հարցեր» են մնացել։

«Սա նուրբ ժամանակաշրջան է։ Նման «հարձակումների» ժամանակը չէ։ Մեկ բան է հարձակվելը, մեկ այլ բան՝ նրա (Պուտինի) տան վրա հարձակվելը։ Հիմա դրանցից ոչ մեկի հարմար ժամանակը չէ», – հավելել է  Թրամփը։

Դրանից մի քանի ժամ առաջ ՌԴ ԱԳ նախարար Սերգեյ Լավրովը հայտարարել էր, թե Ուկրաինան փորձել է հարձակվել Ռուսաստանի նախագահ Վլադիմիր Պուտինի՝ Նովգորոդի մարզում գտնվող պետական ​​նստավայրի վրա՝ օգտագործելով 91 անօդաչու թռչող սարք։ «Հարձակումը», նրա խոսքով, տեղի է ունեցել դեկտեմբերի լույս 29-ի գիշերը: Բոլոր 91 անօդաչու թռչող սարքերը ոչնչացվել են: Լավրովը նաև հայտարարել է, որ դրա պատճառով «Ռուսաստանի բանակցային դիրքորոշումը կվերանայվի», սակայն Մոսկվան մտադիր չէ  դուրս գալ Միացյալ Նահանգների հետ բանակցային գործընթացից։

Ուկրաինայի նախագահ Վլադիմիր Զելենսկին հարձակման մասին Լավրովի հայտարարությունը «սուտ» է անվանել՝ բացատրելով, որ Ռուսաստանը ծրագրում էր հարվածել Կիևի կառավարական թաղամասին։ Նա նաև Ռուսաստանի արտաքին գործերի նախարարի խոսքերը կապել է Թրամփի հետ նախորդ օրվա բանակցությունների հետ։

«Ակնհայտ է, որ ռուսների համար, եթե մենք սկանդալ չունենք Ամերիկայի հետ, իսկ մենք առաջընթաց ենք գրանցում, դա ձախողում է։ Որովհետև նրանք չեն ցանկանում ավարտել այս պատերազմը»,- հավելել է Զելենսկին։

Ուկրաինայի նախագահը կարծում է, որ Մոսկվան նման հայտարարություններով փորձում է խաթարել Կիևի և Վաշինգտոնի միջև խաղաղության բանակցություններում ձեռք բերված առաջընթացը։ Նա կոչ է արել Թրամփին «համապատասխան կերպով արձագանքել ռուսական սպառնալիքներին»։

Թարգմանությունը՝ Էմմա Չոբանյանի