07.03.2026 | 12:34
Ֆինն Գերագուսյանը գոլ է խփել Հայաստանի հավաքական հրավիրվելուց հետո․ ՏԵՍԱՆՅՈՒԹ
Ալիևը չի մասնակցի Պետերբուրգում կայանալիք ԱՊՀ երկրների ղեկավարների ոչ պաշտոնական գագաթնաժողովին
Քաղաքականություն
22.12.2025 | 10:46
Ադրբեջանի նախագահ Իլհամ Ալիևը չի մասնակցի Սանկտ Պետերբուրգում կայանալիք ԱՊՀ երկրների ղեկավարների ոչ պաշտոնական գագաթնաժողովին։ Պատճառը, ըստ նրա աշխատակազմի, աշխատանքային խիտ ժամանակացույցն է, հաղորդում է Azertac պետական լրատվական գործակալությունը։
Այնուամենայնիվ, հայտարարության մեջ նշվում է, որ «Ադրբեջանը պարբերաբար մասնակցում է ԱՊՀ պաշտոնական գագաթնաժողովներին և մեծ նշանակություն է տալիս ԱՊՀ շրջանակում համագործակցությանը, այդ թվում՝ անդամ պետությունների հետ երկկողմ հարաբերությունների զարգացմանը»։
Ալիևը մասնակցել է ԱՊՀ պետությունների ղեկավարների խորհրդի նիստին, որը տեղի է ունեցել այս տարվա հոկտեմբերի 9-10-ը Դուշանբեում:
Նշվում է նաև, որ Իլհամ Ալիևը չի մասնակցել դեկտեմբերի 21-ին կայացած Եվրասիական տնտեսական բարձրագույն խորհրդի նիստին, քանի որ Ադրբեջանը Եվրասիական տնտեսական միության անդամ չէ։
ՌԴ նախագահի խոսնակ Դմիտրի Պեսկովը նախօրեին հայտարարել էր, որ Հայաստանի վարչապետ Նիկոլ Փաշինյանը և Ադրբեջանի նախագահ Իլհամ Ալիևը կմասնակցեն ԱՊՀ ոչ պաշտոնական գագաթնաժողովին, նախատեսվում են նաև նրանց առանձին հանդիպումները ՌԴ նախագահ Վլադիմիր Պուտինի հետ։ Կրեմլի խոսնակը հավելել էր, որ նման ոչ պաշտոնական շփման օրերը միշտ ուղեկցվում են երկկողմ հանդիպումներով։
Թարգմանությունը՝ Էմմա Չոբանյանի
