29.06.2026 | 23:29
Ալեն Սիմոնյանը պարգևատրել է պետական պահպանության ծառայության աշխատողներին
Էդուարդ Սպերցյանը շարունակում է մնալ ՌՊԼ-ի ամենաթանկ ֆուտբոլիստներից մեկը
16.12.2025 | 18:10
Transfermarkt-ը թարմացրել է Ռուսաստանի Պրեմիեր լիգայում խաղացող ֆուտբոլիստների տրանսֆերային արժեքները։
Ռուսաստանի չեմպիոն «Կրասնոդարի» կիսապաշտպան, Հայաստանի ազգային հավաքականի ավագ Էդուարդ Սպերցյանի տրանսֆերային գինը մնացել է անփոփոխ՝ 25 միլիոն եվրո։ Նա ու Մոսկվայի «Լոկոմոտիվի» ռուս կիսապաշտպան Ալեքսեյ Բետրակովը ՌՊԼ-ի ամենաթանկ ֆուտբոլիստներն են։ 20-ամյա Բետրակովի տրանսֆերային գինն ավելացել է 3 միլիոն եվրոյով։ Երրորդ տեղում Սանկտ Պետերբուրգի «Զենիթի» բրազիլացի Վինգեր Լուիս Էնրիկեն է՝ 24 միլիոն եվրո։
Հայաստանի ազգային հավաքականի և Կազանի «Ռուբինի» կիսապաշտպան Ուգոչուկվու Իվուի տրանսֆերային արժեքը կազմում է 3 միլիոն եվրո, «Սոչիի» կիսապաշտպան Ալեքսանդր Կովալենկոյինը՝ 1,5 միլիոն եվրո, Մոսկվայի ԲԿՄԱ-ի պաշտպան Արտյոմ Բանդիկյանինը՝ 750 հազար եվրո, «Ռոստովի» 33-ամյա ֆուտբոլիստ Խորեն Բայրամյանինը՝ 500 հազար եվրո, իսկ «Պարի Նիժնի Նովգորոդի» խաղացող Վալերի Ծառուկյանինը՝ 300 հազար եվրո։
Ռուսաստանի ընթացիկ առաջնությունում Էդուարդ Սպերցյանը մասնակցել է 18 հանդիպման, դարձել 8 գոլի ու 12 գոլային փոխանցման հեղինակ։ Նա լավագույնն է «Գոլ+ասիստ» հաշվարկով։ 25-ամյա ֆուտբոլիստի ու «Կրասնոդարի» միջև պայմանագրի ժամկետը նախատեսված է մինչև 2029թ․ հունիսի 30-ը։
