07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Տավուշի մարզի խոտածածկ և բուսածածկ տարածքներում բռնկված հրդեհները մարված են. ՆԳՆ
27.11.2025 | 20:02
Նոյեմբերի 27-ին՝ ժամը 18։35-ին, ՆԳՆ Փրկարար ծառայության օպերատիվ և համակարգված միջոցառումների արդյունքում Դիլիջանի ոլորանների, Նավուր համայնքի և «Լեռնային Հայաստան» առողջարանի մոտակա անտառային հատվածներում բռնկված հրդեհները ամբողջությամբ մարված են։ Այս մասին տեղեկացնում են ՆԳՆ Փրկարար ծառայությունից:
Հրշեջ-փրկարարների կողմից սահմանվել է հերթապահություն։
«Եվս մեկ անգամ հորդորում ենք խստորեն պահպանել հրդեհային անվտանգության կանոնները։ Հրդեհ կամ ծուխ նկատելու դեպքում խնդրում ենք անհապաղ զանգահարել 911»,- ասված է հաղորդագրությունում։
Հիշեցնենք՝ նախօրեին ծառայողական պարտականությունները կատարելիս փրկարար է զոհվել, տուժած 4 փրկարարներից երեքի առողջական վիճակը գնահատվում է միջին ծանրության, մեկինը` բավարար։ Հրշեջ-փրկարարների կյանքին վտանգ չի սպառնում։
