06.11.2026 | 10:21
Սյունիքի «Սատանի կամուրջ» հատվածում երկու բեռնատար փակել են ճանապարհը․ երթևեկությունը վերականգնվել է
TRIPP-ը Հայաստանին թույլ կտա ինտեգրվել միջազգային երկաթուղային ցանցին․ Փաշինյանը՝ ԵՏՄ նիստում
Քաղաքականություն
02.10.2026 | 15:36
«Խաղաղության խաչմերուկի» կարևոր մասը TRIPP-ն է։ Այն ուղիղ երկաթուղային կապ կբացի Հայաստանի և Ադրբեջանի միջև։ Այս մասին հայտարարել է ՀՀ վարչապետ Նիկոլ Փաշինյանը, որը տեսակապի միջոցով մասնակցում է Բելառուսում անցկացվող Եվրասիական միջկառավարական խորհրդի նիստին։
«Խաղաղության խաչմերուկի կարևոր մասը TRIPP-ն է։ Այն ուղիղ երկաթուղային կապ կբացի Հայաստանի և Ադրբեջանի միջև։ Այն նաև թույլ կտա Հայաստանին ինտեգրվել միջազգային երկաթուղային ցանցին ու հնարավորություն կընձեռի երկաթուղային կապ ստեղծել Պարսից ծոցի ու Սև ծովի միջև։ Դա կդառնա դարակազմիկ իրադարձություն տրանսպորտի ոլորտում, փոփոխություն կլինի Հայաստանի, Ադրբեջանի, Վրաստանի ու Իրանի համար»,- հայտարարել է Փաշինյանը։
Նա նաև նշել է, որ Երևանը բազմիցս վերահաստատել է Հայաստանի ու ԵՏՄ-ի միջև փոխշահավետ համագործակցության հանձնառությունը, որն ուղղված է տնտեսական կայունության ամրապնդմանն ու մեծ տարածաշրջանի զարգացմանը։ Փաշինյանը շեշտել է, որ Հայաստանն առաջ է մղում խաղաղության օրակարգը, «Խաղաղության խաչմերուկ» հայկական նախաձեռնությունն էլ նպատակաուղղված է նոր հնարավորությունների ստեղծմանը։
«Նեղ կազմով նիստի ընթացքում գործընկերներին տեղեկացրել եմ տարածաշրջանային տրանսպորտային հաղորդակցությունների ապաշրջափակման գործընթացին վերաբերող որոշ նրբությունների մասին, որոնք տեղի են ունենում Հայաստանի և Ադրբեջանի միջև խաղաղության հաստատման արդյունքում։ Մենք հույս ունենք որոշակի որոշումների, որոնք, մասնավորապես, կհանգեցնեն Հայաստանի երկաթուղիների արդյունավետության բարձրացմանը», – ասել է ՀՀ վարչապետը։
Թարգմանությունը՝ Էմմա Չոբանյանի
