02.10.2026 | 16:58
Ադրբեջանցի զինծառայողին կալանավորել է Երևանի դատարանի նախագահ Ժորա Չիչոյանը
Շուշիում տեղի է ունեցել Ադրբեջանի, Թուրքիայի և Վրաստանի ՊՆ ղեկավարների եռակողմ հանդիպումը
Քաղաքականություն
02.10.2026 | 16:10
Արցախի Շուշի քաղաքում տեղի է ունեցել Ադրբեջանի պաշտպանության նախարար Զաքիր Հասանովի, Թուրքիայի ազգային պաշտպանության նախարար Յաշար Գյուլերի և Վրաստանի փոխվարչապետ, պաշտպանության նախարար Իրակլի Չիկովանիի 13-րդ եռակողմ հանդիպումը։ Ադրբեջանի ՊՆ-ի հաղորդմամբ՝ հիշատակելով անցյալ տարի Թուրքիայում, ևս մեկ տարի առաջ՝ Վրաստանում կայացած հանդիպումները, Զաքիր Հասանովն ասել է, որ պետությունների ղեկավարների համատեղ ջանքերի շնորհիվ Ադրբեջան-Վրաստան-Թուրքիա եռակողմ համագործակցության ձևաչափն արդեն վերածվել է տարածաշրջանային համագործակցության հաջողված մեխանիզմի, որը կարող է օրինակ ծառայել այլ երկրների համար և մեծ ներդրում ունի խաղաղության, անվտանգության ու կայունության ապահովման գործում։
Հանդիպման ընթացքում նշվել է ժամանակակից մարտահրավերների, ինչպես նաև մեր տարածաշրջանի անվտանգությանը սպառնացող գործոնների դեմ պայքարի համար ջանքերը համատեղելու կարևորությունը։
Պաշտպանության նախարարներն ընդգծել են եռակողմ վարժանքների և մարզումների շրջանակի ընդլայնման կարևորությունը։ Նրանք վստահություն են հայտնել, որ պաշտպանության ոլորտում եռակողմ համագործակցության ընդլայնումն օգտակար կլինի ոչ միայն երեք երկրների, այլև տարածաշրջանում խաղաղության, կայունության և անվտանգության ամրապնդման համար։
Հանդիպման արդյունքներով ստորագրվել է արձանագրություն։
Հավելենք, որ երեք երկրների պաշտպանության նախարարները նաև միմյանց հետ առանձին հանդիպումներ են անցկացրել։
Թարգմանությունը՝ Էմմա Չոբանյանի
