02.10.2026 | 16:20
Ադրբեջանցի զինծառայող Նասիմի Մուսաևը կալանավորվել է
Դատարանը Սերժ Սարգսյանին թույլատրեց չմասնակցել «Սև բերդի» օտարման գործով գրավոր ապացույցների հետազոտմանը
Հասարակություն
02.10.2026 | 15:44
ՀՀ երրորդ նախագահ Սերժ Սարգսյանի պաշտպան Ամրամ Մակինյանը «Սև բերդի» օտարման գործով այսօր դատական նիստին միջնորդեց այսուհետ նիստերն անցկացնել Սարգսյանի բացակայությամբ։
Դատարանը որոշեց գրավոր ապացույցների փուլում թույլատրել Սերժ Սարգսյանին չներկայանալ նիստերին՝ միաժամանակ նշելով, որ անհրաժեշտություն է տեսնում, որ վկաների հարցաքննության փուլում Սարգսյանը ներկայանա նիստերին։
Դատարանն այսօր ավարտեց գործով նախնական դատալսումները և անցավ հիմնական դատալսումների փուլին։ Այսօրվա նիստի ընթացքում դատավորը մերժել է Սարգսյանի վերաբերյալ վարույթը կարճելու միջնորդությունը, միաժամանակ, վերացրել է նրա նկատմամբ ընտրված խափանման միջոց բացակայելու արգելքը։
Հիշեցնենք, որ ըստ մեղադրանքի՝ Սերժ Սարգսյանի՝ պաշտպանության նախարարի պաշտոնավարման տարիներին ապօրինի օտարվել է Գյումրիում գտնվող պատմանշակութային հուշարձան հանդիսացող «Սև բերդը»։
Արաքս Մամուլյան
