20.08.2026 | 15:40
Սա «վրեժխնդրությո՞ւն» է ձեր թեկնածուներին չընտրելու համար․ Թունյանը՝ Ֆարմանյանին․ ՏԵՍԱՆՅՈՒԹ
Ավինյանը`դասընկերոջ և կնոջ ընկերուհու` ԱՆԻՖ-ում պաշտոններ զբաղեցնելու մասին․ ՏԵՍԱՆՅՈՒԹ
Տեսանյութեր
15.09.2025 | 13:54
Տիգրան Ավինյանն այսօրվա մամուլի ասուլիսին անդրադարձավ կնոջ ընկերուհու՝ Կարինե Անդրեասյանի և ԱՆԻՖ-ի համագործակցությանը։ Ավինյանի խոսքով՝ Անդրեասյանի հետ ինքն ու կինը ծանոթացել են այն ժամանակ, երբ նա նշանակվել է CFW-ի տնօրեն։
«CFW-ի 51%-ը պատկանում էր ամերիկյան «Օրբիսին», իսկ Կարինեն ԱՄՆ քաղաքացի էր, աշխատել էր Etihad-ում, Air Arabia-ում և դիմել էր նաև այդ պաշտոնի համար։ Իրեն ընտրել են մեր ամերիկացի գործընկերները»,- ասաց Ավինյանը։
Նշենք, որ Ազատությունն ավելի վաղ գրել էր, որ ԱՆԻՖ-ը 2023-ին 960 միլիոն դրամ է տրամադրել Ավինյանի դասընկեր Դմիտրի Ալեկսեյենկոյին պատկանող «Բերրիմաունթ» ՓԲԸ-ին՝ ելակի ջերմոցներ հիմնելու համար։ Այն շրջանում, երբ ԱՆԻՖ-ը ֆինանսավորում էր ելակի արտադրությունը, Ավինյանը զբաղեցնում էր ֆոնդի տնօրենների խորհրդի նախագահի պաշտոնը։ Այս ներդրումը կատարվել է ԱՆԻՖ-ի դուստր ընկերության՝ «Ձեռնարկատեր+պետություն հակաճգնաժամային ներդրումների կառավարիչ» ՓԲԸ-ի միջոցով։
Անդրադառնալով իր դասընկերոջը՝ Դմիտրի Ալեկսեյենկոյին, Ավինյանը նշեց, որ նա իր ամենամոտ ընկերը չէ, բայց հաջողակ գործարար է։
«Մարդը, ով ունի գործող բիզնես, ով հաջողակ է իր բիզնեսում, ասում է՝ ես պատրաստ եմ իմ բիզնեսի որոշակի փայ տալ ԱՆԻՖ-ի դուստր ընկերությանը և ակնկալում եմ որոշակի ներդրում իմ բիզնեսում։ Հիմա հարց՝ Դմիտրի Ալեկսեյենկոն անարդյունավե՞տ է գործել»,- ասաց Տիգրան Ավինյանը։
Մանրամասները՝ տեսանյութում։
