29.03.2026 | 12:31
ՏՀԿ հանձնաժողովի անդամի պաշտոնում առաջադրվել է Դավիթ Խաչատրյանի թեկնածությունը
Սեյրան Օհանյանն ու Արծվիկ Մինասյանը զրկվեցին անձեռնմխելիությունից․ ՏԵՍԱՆՅՈՒԹ
Քաղաքականություն
07.07.2025 | 17:30
ԱԺ-ն գաղտնի քվեարկությամբ համաձայնություն տվեց «Հայաստան» խմբակցության ղեկավար Սեյրան Օհանյանի և խմբակցության քարտուղար Արծվիկ Մինասյանի նկատմամբ քրեական հետապնդում հարուցելու դատախազի միջնորդագրերին։
ԱԺ հաշվիչ հանձնախմբի նախագահ Նարեկ Բաբայանը հրապարակեց արդյունքները՝ տեղեկացնելով, որ քվեարկությանը 107 պատգամավորներից մասնակցել է 59-ը, բոլորն էլ կողմ են քվեարկել։
Նշենք, որ Սեյրան Օհանյանը չէր մասնակցում իրեն անձեռնմխելիությունից զրկելու վերաբերյալ Գլխավոր դատախազի ներկայացրած միջնորդության քննարկմանը։ ԱԺ նախագահ Ալեն Սիմոնյանը հայտնել էր, որ Օհանյանը ԱԺ նիստին չի մանսակցում առողջական խնդիրների պատճառով և այդ նպատակով բժշկական թուղթ էր ներկայացրել «Իզմիրլյան» բժշկական կենտրոնից։
Սեյրան Օհանյանի նկատմամբ հանրային քրեական հետապնդում և անձեռնմխելությունից զրկելու միջնորդության քննարկմանը չէին մասնակցում նաև խորհրդարանական երկու ընդդիմադիր խմբակցությունները։
Հիշեցնենք որ Հայաստանի Հանրապետության դատախազությունը միջնորդագրեր էր ուղարկել Ազգային ժողով՝ Սեյրան Օհանյանի և Արծվիկ Մինասյանի նկատմամբ քրեական հետապնդում հարուցելուն համաձայնություն տալու մասին։ Սեյրան Օհանյանին վերաբերող միջնորդագրի համաձայն՝ Օհանյանը տարբեր տարիների ներկայացրած հայտարարագրում թաքցրել է իրեն պատկանող գույքը, մասնավորապես Դրախտիկ համայնքում գտնվող հողատարածքը և դրա վրա ինքնակամ կառուցված առանձնատունը։ Արծվիկ Մինասյանին վերաբերող միջնորդագրի համաձայն՝ նույն գործով Արծվիկ Մինասյանը չարաշահել է իր իշխանական կամ ծառայողական լիազորությունները։
Մանրաամասները՝ տեսանյութում։
Մանյա Պողոսյան
