Քաղաքականություն
13.06.2025 | 09:10
Առանձին հարվածների հետևանքով սպանվել են միջուկային գիտնական, «Իսլամական ազատ համալսարանի» նախագահ Մոհամմադ-Մեհդի Թեհրանչին և «Իրանի ատոմային էներգիայի կազմակերպության» նախկին ղեկավար, միջուկային գիտնական Ֆերեյդուն Աբբասին․ գրում է IRNA-ն՝ «Թասնիմ» լրատվական գործակալությանը հղում անելով։
«Թասնիմի» տվյալներով՝ Իսրայելի հարվածների հետևանքով սպանվել է նաև «Խաթամ ալ-Անբիա» շտաբի հրամանատար, գեներալ-մայոր Ղոլամալի Ռաշիդը։
Ավելի վաղ հայտնել էինք, որ սպանվել է Իսլամական հեղափոխության պահապանների կորպուսի հրամանատար Հոսեյն Սալամին։
Հիշեցնենք, որ Իսրայելի ռազմաօդային ուժերը հարձակվել են Թեհրանի մոտակայքում գտնվող առնվազն վեց ռազմական բազաների վրա։
Ըստ Al Masirah հեռուստաալիքի՝ հարվածներ են հասցվել իրանական Նաթանզ, Խորամաբադ և Համադան քաղաքներին։
Al Mayadeen հեռուստաալիքը նշել է, որ Իսրայելի հարձակումը Նաթանզի միջուկային օբյեկտի վրա է եղել։
Ըստ Al Jazeera-ի՝ հարձակումների թիրախը Թեհրանի հյուսիս-արևելքում գտնվող Մահալաթի շրջանն է, որը հայտնի է ռազմական պաշտոնյաների բնակավայրերով։
The New York Times-ը, հղում անելով իրանցի պաշտոնյաներին, հայտնել է, որ հարվածներ են հասցվել նաև Իսլամական Հանրապետության ռազմական հրամանատարության երկու բնակելի շենքերին։
Թարգմանությունը՝ Անահիտ Խաչատրյանի
