03.11.2026 | 16:30
Եթե գազի գինը թանկանա 10%-ով, մեր գնաճը մոտ 0,8%-ով ավելի բարձր կլինի․ ԿԲ նախագահ․ ՏԵՍԱՆՅՈՒԹ
Դեսպան Մկրտչյանը Վաշինգտոնում հյուրընկալել է Նոբելյան մրցանակի դափնեկիր Քայլաշ Սաթյարթիին
Քաղաքականություն
06.10.2026 | 23:14
Ուրախ էի Վաշինգտոնում հյուրընկալելու իմ լավ բարեկամ, Խաղաղության Նոբելյան մրցանակի դափնեկիր Քայլաշ Սաթյարթիին, ով սիրով ընդունեց Հայաստան այցելելու և որպես բանախոս մի շատ կարևոր միջոցառման մասնակցելու հրավերս։ Այս մասին հայտնում է ԱՄՆ-ում ՀՀ դեսպան Նարեկ Մկրտչյանը։
«Քայլաշ Սաթյարթին իր տասնամյակների գործունեության ընթացքում նպաստել է ավելի քան 120 հազար երեխայի՝ հարկադիր աշխատանքից, ստրկությունից, թրաֆիքինգից և շահագործման այլ ձևերից ազատագրմանը։
Նրա առաջնորդությամբ իրականացված Երեխաների աշխատանքի դեմ գլոբալ երթը ընդգրկել է 103 երկիր՝ դառնալով երեխաների իրավունքների պաշտպանության պատմության ամենախոշոր միջազգային շարժումներից մեկը։ Այս նախաձեռնությունը կարևոր դեր է ունեցել Աշխատանքի միջազգային կազմակերպության թիվ 182 կոնվենցիայի ընդունման գործում՝ երեխաների աշխատանքի վատթարագույն ձևերի վերացման վերաբերյալ։ Այն հետագայում դարձավ ՄԱԿ պատմության մեջ առաջին կոնվենցիան, որը վավերացվեց կազմակերպության բոլոր անդամ պետությունների կողմից։
Անհամբեր սպասում ենք Քայլաշ Սաթյարթիին Հայաստանում հյուրընկալելուն»,-նշել է նա։
