06.10.2026 | 23:14
Դեսպան Մկրտչյանը Վաշինգտոնում հյուրընկալել է Նոբելյան մրցանակի դափնեկիր Քայլաշ Սաթյարթիին
Սպանվել է Իսլամական հեղափոխության պահապանների կորպուսի հրամանատար Հոսեյն Սալամին
Քաղաքականություն
13.06.2025 | 06:53
Իսրայելի կողմից Թեհրանի վրա հարվածը ուղղված էր այն տարածքին, որտեղ ապրում են ռազմական պաշտոնյաներ․ հաղորդում է Al Jazeera հեռուստաալիքը:
Իրանի պետական լրատվամիջոցները հաստատել են Իսրայելի հարվածի հետևանքով Իրանի Իսլամական հեղափոխության պահապանների կորպուսի հրամանատար Հոսեյն Սալամիի սպանությունը։
Հիշեցնենք, որ նախօրեին Իրանի Իսլամական հեղափոխության պահապանների կորպուսի (ԻՀՊԿ) գլխավոր հրամանատար, գեներալ-մայոր Հոսեյն Սալամին հայտարարել էր, որ Իրանը լիովին պատրաստ է ցանկացած սցենարի և ունի հստակ ռազմավարություն՝ ցանկացած հնարավոր ագրեսիային հակազդելու համար։
Իրանը լիովին պատրաստ է դիմակայել ցանկացած ռազմական սպառնալիքի. ԻՀՊԿ գլխավոր հրամանատարը զգուշացրել է
Հաղորդվում է նաև, որ Իսրայելի հարձակման հետևանքով կարող են զոհված լինել նաև Գլխավոր շտաբի այլ բարձրաստիճան պաշտոնյաներ:
Ավելի վաղ Al Masirah հեռուստաալիքը հաղորդել էր, որ մայրաքաղաք Թեհրանում բնակելի շենքերը Իսրայելի կողմից Իրանի վրա հարվածի թիրախներից մեկն են:
Իրանի պետական հեռուստատեսությունը հայտնել է, որ Թեհրանում բնակելի համալիրի վրա հասցված հարվածի հետևանքով զոհվել և վիրավորվել են մի քանի քաղաքացիական անձինք, այդ թվում՝ կանայք և երեխաներ։
Թարգմանությունը՝ Անահիտ Խաչատրյանի
