09.10.2026 | 19:00
Հրայր Թովմասյանին նախագահ ընտրելով ՍԴ-ն ՀՀԿ-ացավ, կա վտանգ՝ Վլադիմիր Վարդանյանին ընտրելով ՔՊ-ացվի․ Լուսինե Հակոբյան․ ՏԵՍԱՆՅՈՒԹ
Թուրքիայի ԱԳ նախարարը Մոսկվայում հանդիպել է Վլադիմիր Մեդինսկիին
Քաղաքականություն
26.05.2025 | 17:39
Թուրքիայի արտաքին գործերի նախարար Հաքան Ֆիդանը Մոսկվայում է։ Նա հանդիպում է ունեցել ՌԴ նախագահի օգնական Վլադիմիր Մեդինսկիի հետ, հաղորդում է TRT Haber-ը։
Վլադիմիր Մեդինսկին գլխավորել էր Ռուսաստանի պատվիրակությունը Ստամբուլում մայիսի 16-ին ՌԴ-ի և Ուկրաինայի միջև կայացած խաղաղության բանակցություններում։
Թուրքական աղբյուրներն ավելի վաղ հայտնել էին, որ այցի ընթացքում Ֆիդանն այսօր հանդիպելու է նաև ՌԴ նախագահ Վլադիմիր Պուտինի, արտաքին հետախուզության ծառայության տնօրեն Սերգեյ Նարիշկինի հետ։ Կրեմլի խոսնակ Դմիտրի Պեսկովը հաստատել էր, որ Պուտինն ընդունելու է Ֆիդանին։
Վաղը թուրք պաշտոնյան բանակցություններ կանցկացնի ՌԴ ԱԳ նախարար Սերգեյ Լավրովի հետ։
Թարգմանությունը՝ Էմմա Չոբանյանի
