07.11.2026 | 17:30
Ծանրորդ Էմմա Պողոսյանն աշխարհի առաջնությունում 8-րդն է
Թուրքիայի ԱԳ նախարարը բարձր մակարդակի հանդիպումներ կանցկացնի ՌԴ-ում, այդ թվում՝ Պուտինի հետ
Քաղաքականություն
26.05.2025 | 12:56
Թուրքիայի արտաքին գործերի նախարար Հաքան Ֆիդանը մայիսի 26-27-ը Ռուսաստան այցի շրջանակում մի շարք դիվանագիտական հանդիպումներ է ունենալու։ Այսօր նախատեսված է նաև հանդիպում ՌԴ նախագահ Վլադիմիր Պուտինի հետ։ Այս մասին հայտնում են թուրքական լրատվամիջոցները՝ երկրի ԱԳՆ աղբյուրներին վկայակոչելով։
Թուրքիայի արտաքին գործերի նախարարը նաև քննարկումներ կունենա ՌԴ նախագահի խորհրդական Վլադիմիր Մեդինսկիի և արտաքին հետախուզության ծառայության տնօրեն Սերգեյ Նարիշկինի հետ։
Հանդիպումներից բացի՝ Ֆիդանը կմասնակցի Ռուս-թուրքական գործարար խորհրդի տնօրենների խորհրդի անդամների նիստին։
Հաքան Ֆիդանը վաղը հանդիպելու է ՌԴ ԱԳ նախարար Սերգեյ Լավրովին։
Հավելենք, որ Թուրքիան պահպանել է դիվանագիտական և տնտեսական կապերը Ռուսաստանի հետ՝ չնայած 2022 թվականին Մոսկվայի կողմից Ուկրաինա ներխուժումից հետո սահմանված միջազգային պատժամիջոցներին։ Մայիսի 16-ին էլ Ստամբուլում կայացել էին 2022 թվականի մարտից ի վեր ՌԴ-ի և Ուկրաինայի առաջին բանակցությունները։
Թարգմանությունը՝ Էմմա Չոբանյանի
