21.02.2026 | 19:00
Թումանյանն էլ ողջ լիներ, ասելու էինք՝ գնա «Շունն ու կատուդ» գրիր, մեզ դասեր մի՛ տուր. Նարինե Գրիգորյան․ ՏԵՍԱՆՅՈւԹ
9 տարվա ազատազրկման դատապարտված ադրբեջանցի ընդդիմադիր գործիչը հացադուլ է սկսել
Քաղաքականություն
12.03.2025 | 23:30
Ադրբեջանի «Մուսավաթ» կուսակցության անդամ, հայտնի ընդդիմադիր գործիչ Թոֆիգ Յագուբլուն հացադուլ է հայտարարել՝ ի նշան բողոքի Բաքվի ծանր հանցագործությունների դատարանի կողմից 9 տարվա ազատազրկման դատավճռի, գրում են ադրբեջանական լրատվամիջոցները։
Նրա դուստր Նիգար Հազին կիսվել է քաղաքական գործչի հայտարարությամբ։
«Իմ նկատմամբ բացահայտ հանցագործություն է կատարվել։ Ես 1 տարի 3 ամիս անարդարացիորեն և ապօրինի կալանքի տակ եմ՝ կեղծ մեղադրանքով։ Բաքվի ծանր հանցագործությունների գործերով դատարանի դատավոր Էլնուր Նուրուևը հրապարակել է իմ դեմ դատավճիռը նախագահի աշխատակազմից։ Այս դատավճիռն ինձ տվել է Իլհամ Ալիևը։ Ինձ խարդախության մեջ մեղադրելը անբարեխիղճ, անպարկեշտ և անպատվաբեր է», – ասել է Յագուբլուն:
Նա նշել է, որ հացադուլը սկսելու է ապրիլի 1-ից։ Քաղաքական գործիչը, որը դատարանի որոշումը խարդախություն է համարում, ասում է, որ հացադուլը կշարունակի մինչև ազատ արձակվի։
«Ես հացադուլը չեմ դադարեցնելու, քանի դեռ իմ պահանջը չի կատարվել։Միայն մահն է ինձ բանտից դուրս բերելու։ Որովհետեւ ես այս հացադուլը շարունակելու եմ մինչեւ վերջ։ Երբ ես մահանամ, այս հացադուլը կավարտվի։ Ինչպես կա «Մագնիտսկու օրենքը», այնպես էլ թող լինի «Յագուբլու ակտը»: Գուցե իմ մահը ազատություն բերի այս երկրին։ Ես կգերադասեի մեռնել, քան ազատվել բանտից 75 տարեկանում»,-հայտարարել է գործիչը։
Հիշեցնենք, որ ադրբեջանցի ընդդիմադիր գործիչը դատապարտվել է 9 տարվա ազատազրկման։ Նա Ադրբեջանի նախագահ Իլհամ Ալիևի կոշտ քննադատներից է։
Թարգմանությունը՝ Էմմա Չոբանյանի
