09.10.2026 | 18:50
ՔՊ-ականներ, նախկին ՀՀԿ-ականներ ու անկուսակցականներ․ Լոռու համայնքապետերի քաղաքական ուղին
Պուտինն ու Թրամփն իրենք կորոշեն՝ երբ շփվել. Լավրով
Քաղաքականություն
12.02.2025 | 17:07
Ռուսաստանի և ԱՄՆ առաջնորդներ Վլադիմիր Պուտինն ու Դոնալդ Թրամփն իրենք կորոշեն՝ երբ կապ հաստատել միմյանց հետ։ Ինտերֆաքսի փոխանցմամբ՝ այս մասին ասել է ՌԴ ԱԳ նախարար Սերգեյ Լավրովը։
«Նախագահ Թրամփը մեկ անգամ չէ, որ հայտարարել է, որ պատրաստ է և ցանկանում է զանգահարել ու անձամբ շփվել: Նախագահ Պուտինը, պատասխանելով ամերիկացի առաջնորդի հայտարարություններին, ասել է, որ ինքը նույնպես պատրաստ է: Նախագահներն իրենք կորոշեն, և ես կասկած չունեմ, որ համապատասխան տեղեկատվությունը կտրամադրվի»,- ասել է Լավրովը։
Պատասխանելով հարցին, թե երբ կարող է կայանալ Ռուսաստանի Դաշնության և ԱՄՆ-ի ղեկավարների հանդիպումը, որին սպասում է ամբողջ աշխարհը, և արդյո՞ք դա կարող է նպաստել ուկրաինական ճգնաժամի կարգավորմանը, Լավրովը նշել է. «Չեմ կարծում՝ ամբողջությամբ։ Կան մարդիկ, ովքեր կարծում են, որ Մոսկվայի և Վաշինգտոնի միջև ցանկացած շփում ոտնահարում է իրենց շահերը։ Նույնիսկ Եվրոպան Կայա Կալլասի բերանով սկսել է հայտարարել, որ առանց Եվրոպայի ընդհանրապես ոչինչ չի կարող քննարկվել»։
Թարգմանությունը՝ Տաթև Ֆռանգյանի
