Քաղաքականություն
11.02.2025 | 15:44
Ադրբեջանում զորամասեր այցելելու սահմանափակումներ են մտցվել։ Ադրբեջանի ՊՆ-ն հայտնում է, որ նորակոչիկների առողջությունը պաշտպանելու նպատակով երկրում ժամանակավոր սահմանափակումներ են մտցվել զորամասեր այցելելու համար՝ սեզոնային շնչառական վարակների տարածման պատճառով։
«Հանրությանը խնդրում ենք ուշադիր լինել զինծառայողների առողջության նկատմամբ, ըմբռնումով մոտենալ վերոնշյալ սահմանափակումներին և զերծ մնալ զորամասեր այցելելուց, հատկապես, երդման արարողությունների ժամանակ»,- ասվում է հաղորդագրության մեջ։
Հիշեցնենք, որ հունվարին ևս Ադրբեջանի զորամասերում զինծառայողների հետ հանդիպումների ժամանակավոր սահմանափակումներ էին մտցվել։
Թարգմանությունը՝ Էմմա Չոբանյանի
