20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Փաշինյանի որոշումից 10 օր անց հայտնի է 10 մեքենայի կրճատման մասին
Քաղաքականություն
02.12.2024 | 22:19
Նիկոլ Փաշինյանի որաշմամբ Առողջապահության նախարարությունը զրկվելու է ծառայողական յոթ մեքենաներից։ Գերատեսչությունն այժմ ունի ութը։ Այս մասին Factor.am-ի հարցմանն ի պատասխան հայտնում են նախարարությունից։
Կառույցում կմնա միայն նախարար Անահիտ Ավանեսյանին սպասարկող 18 մլն 408 հազար դրամ արժեքով Տոյոտա Լենդ Քրուզեր LC 150 2.7 GAS մակնիշի ավտոմեքենա։ Մյուս յոթ կրճատվող ավտոմեքենաների ընդհանուր արժեքը 95 մլն դրամ է։
Հիշեցնենք՝ նոյեմբերի 22-ին Հանրային ՀԸ-ին տված հարցազրույցի ժամանակ Նիկոլ Փաշինյանը հայտարարել էր, որ «կացնային ձևով կրճատելու է» ծառայողական մեքենաների թիվը։ Հարցին՝ քանի՞ տոկոսն է կացնով կտրելու, Փաշինյանը պատասխանել էր. «Շատ մեծ տոկոս, մոտավորապես 80, 90 տոկոսը»։
Նիկոլ Փաշինյանի այս հայտարարությունից անցել է 10 օր և մեզ հայտնի է ընդամենը 10 մեքենայի կրճատման մասին։ Բացի առողջապահության նախարարության յոթ մեքենաներից, ավելի վաղ հայտնել էինք, որ ևս երեքն էլ արդարադատության նախարարությունն է պատրաստվում կրճատել։
Նարեկ Կիրակոսյան
