08.10.2026 | 13:41
ՌԴ ԱԽ-ն հայտարարել է, թե ՀՀ-ում Firebird AI-ի տվյալների կենտրոնը «կարող է օգտագործվել Ռուսաստանի դեմ»
«Ամերիկյան երկրների մրցունակության փոխանակում» ծրագրի շրջանակներում այց Տաշիրում գտնվող «Երեմյան» ֆերմերային տնտեսություն և COAF
03.10.2024 | 13:16
«Ամերիկյան երկրների մրցունակության փոխանակում» (ACE) ծրագրի շրջանակներում մասնակիցները հոկտեմբերի 2-ին այցելել են Տաշիրում գտնվող «Երեմյան» ֆերմերային տնտեսություն՝ գերժամանակակից անասնապահական համալիր․ տեղեկացնում են ՀՀ էկոնոմիկայի նախարարությունից։
Մասնակիցները շրջայց են կատարել համալիրի տարածքով, ծանոթացել գյուղատնտեսական առաջադեմ տեխնոլոգիաներով, ավտոմատ համակարգերով ու սարքավորումներով հագեցած, արտադրության և որակի միջազգային չափանիշներին համապատասխանեցված ընկերության կարողություններին:
Այնուհետև մասնակիցներն այցելել են Հայաստանի մանուկներ բարեգործական հիմնադրամ (COAF), որի հիմնական նպատակն է բարձրացնել Հայաստանի գյուղաբնակների կյանքի որակը համայնքային զարգացման երեխայակենտրոն ծրագրերի միջոցով:
Կայացել է նաև «Նորարարական գյուղատնտեսություն. Կայուն գյուղատնտեսության օրինակներ՝ պարենային անվտանգության բարելավման համար» խորագրով պանելային քննարկում, որը վարել է ՄԱԶԾ ներկայացուցիչ Արտակ Ղազարյանը։
Քննարկմանը մասնակցել են նաև Էկոնոմիկայի նախարարի տեղակալ Արման Խոջոյանը, SkyAgro-ի կառավարիչ գործընկեր Էմին Մարտիրոսյանը, «Երեմյան Փրոջեքթի» հիմնադիր և գլխավոր տնօրեն Դավիթ Երեմյանը, Մինեսոտայի 9-րդ տարածաշրջանի զարգացման հանձնաժողովի գործադիր տնօրեն Նիկոլ Կոլետտ Գրինսվիկը։
