11.08.2026 | 09:43
Արմավիրի մարզում 2026-ի առաջին կիսամյակում սպանության, սպանության փորձի և ավազակության բոլոր դեպքերը բացահայտվել են. ՆԳՆ
Պուտինը Կրեմլում բանակցություններ է վարում Չինաստանի վարչապետի հետ
Քաղաքականություն
21.08.2024 | 17:35
ՌԴ նախագահ Վլադիմիր Պուտինը Կրեմլում ընդունել է Չինաստանի Պետխորհրդի վարչապետ Լի Ցյանին, հաղորդում է ՌԻԱ Նովոստիին։
Ռուսական կողմից հանդիպմանը մասնակցում են արտգործնախարար Սերգեյ Լավրովը, փոխվարչապետ Դմիտրի Չերնիշենկոն, նախագահի աշխատակազմի ղեկավարի տեղակալ Մաքսիմ Օրեշկինը, պետության ղեկավարի օգնական Յուրի Ուշակովը և Չինաստանում ՌԴ դեսպան Իգոր Մորգուլովը։
Այսօր ավելի վաղ Լի Ցյանի հետ բանակցություններ է վարել ՌԴ վարչապետ Միխայիլ Միշուստինը։ Նրանք քննարկել են երկկողմ հարաբերությունների զարգացման արդիական հարցեր՝ շեշտը դնելով գործնական համագործակցության, հումանիտար և միջտարածաշրջանային փոխանակումների վրա։ Ռուսաստանի կառավարության ղեկավարը հանդիպմանը նշել է, որ Մոսկվայի և Պեկինի համար կարևոր է ջանքերը կենտրոնացնել ընդհանուր շահերի պաշտպանության վրա, մինչ արևմտյան երկրները «փորձում են զսպել երկու երկրների տնտեսական և տեխնոլոգիական ներուժը»։
Լի Ցյանը Մոսկվա է ժամանել նախօրեին։
