23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
ԵՄ-ն կարող է սառեցնել Վրաստանին տրամադրվող օգնությունը՝ «օտարերկրյա գործակալների» մասին սկանդալային օրենքի պատճառով
Քաղաքականություն
02.08.2024 | 14:41
Եվրամիությունը վերահաստատել է իր մտահոգությունը Վրաստանում, այսպես կոչված, «օտարերկրյա գործակալների» օրենքի ուժի մեջ մտնելու կապակցությամբ՝ մատնանշելով, որ դա հետքայլ է երկրի եվրաինտեգրման ճանապարհից։
Այս մասին Europa Press-ին տված մեկնաբանությունում ասել է Եվրահանձնաժողովի ներկայացուցիչ Պետեր Ստանոն։
Նա հայտարարել է, որ ԵՄ-ն «խորապես մտահոգված է Վրաստանում վերջին զարգացումներով» և պնդում է, որ վիճահարույց օրենքի ուժի մեջ մտնելուց հետո այն «հետքայլ է» Եվրամիությանն ինտեգրման համար երկրի առաջընթացից:
Կարճաժամկետ հեռանկարում ԵՄ-ն արդեն կրճատել է քաղաքական շփումները վրացական իշխանությունների հետ՝ «բացառությամբ այն դեպքերի, որոնք ուղղված են ստեղծված իրավիճակից ելք գտնելուն»։
«Մենք դիտարկում ենք կառավարությանը մեր ֆինանսական օգնությունը դադարեցնելու հնարավորությունը»,- ընդգծել է Ստանոն՝ հիշեցնելով, որ ԵՄ-ն արդեն սառեցրել է 30 միլիոն եվրոյի ռազմական աջակցությունը Խաղաղության եվրոպական հիմնադրամի միջոցով։
Օգոստոսի 1-ին Վրաստանում գործարկվել է օտարերկրյա ֆինանսավորմամբ հասարակական կազմակերպությունների և լրատվամիջոցների գրանցման ռեգիստրը, որը ստեղծվել է «օտարերկրյա գործակալների մասին» օրենքի հիման վրա։
Օրինագծի ընդունումն առաջացրել է Արևմուտքի սուր քննադատությունը և Վրաստանի քաղաքացիների զանգվածային բողոքը։
