Ալիևի ներկայացուցիչը հայտարարել է, որ Ադրբեջանը մտադիր չէ խաղաղության պայմանագիր կնքել, քանի դեռ ՀՀ Սահմանադրությունը չի փոխվել

Լուրեր

21.11.2026 | 10:50
Նարեկ Մկրտչյանը մասնակցել է Մելանիա Թրամփի վավերագրական շարքի համաշխարհային պրեմիերային
21.11.2026 | 10:25
Ամփոփիչ մրցաշարում հայտնի են կիսաեզրափակիչի զույգերը. ՏԵՍԱՆՅՈՒԹ
21.11.2026 | 10:15
ՀՀ տարածքում ավտոճանապարհները հիմնականում անցանելի են
21.11.2026 | 09:30
Դավիթ Սիմոնյանը հաղթել է նոկաուտով ու մեդալ ապահովել Մ-23 ԵԱ-ում. ՏԵՍԱՆՅՈՒԹ
21.11.2026 | 00:06
Էդուարդ Սպերցյանը մասնակցեց «Ալ Նասրի» նկատմամբ հաղթանակին. ՏԵՍԱՆՅՈՒԹ
20.11.2026 | 23:39
Հայաստանը համերաշխություն է հայտնում Վրաստանին այս դժվարին պահին. Փաշինյան
20.11.2026 | 23:13
Հայաստանն ու Ալբանիան քննարկվել են տնտեսական համագործակցության խորացման հեռանկարները
20.11.2026 | 23:00
Լոռու մարզում գազանջատումներ կլինեն
20.11.2026 | 22:47
Թուրքական արտադրության Kizilelma անօդաչու կործանիչն աշխարհում առաջինն է անցել զինվորական ծառայության
20.11.2026 | 22:33
Վաղարշապատի կամրջի հարակից ճանապարհահատվածը ժամանակավորապես փակ կլինի երթևեկության համար
20.11.2026 | 22:19
Բաքուն հայտնում է ահաբեկչական կազմակերպության անդամ Ադրբեջանի քաղաքացիների ձերբակալության մասին
20.11.2026 | 22:04
Հայաստանի մի շարք հասցեներում էլեկտրաէներգիայի անջատումներ կլինեն
20.11.2026 | 21:50
Ադրբեջանի ընդդիմության ղեկավարի կալանքի թեման ուշադրության կենտրոնում է եղել Գերմանիայի ԱԳ նախարարի՝ Բաքու կատարած այցի ժամանակ
20.11.2026 | 21:36
Հայաստանն ընդունել է Գազայից երեք պաղեստինցի երեխայի. նրանց մասնագիտացված բուժօգնություն կցուցաբերվի
20.11.2026 | 21:23
Թվային լուծումներ՝ մեկ էկոհամակարգում․ IDBank-ը՝ DigiTec 2026-ում
Բոլորը

Հայաստանի հետ խաղաղ բանակցություններում զգալի առաջընթաց կա։ Այս մասին  հայտարարել է Ադրբեջանի նախագահ Իլհամ Ալիևի հատուկ հանձնարարությունների գծով ներկայացուցիչ Էլչին Ամիրբեկովը՝ ելույթ ունենալով ամերիկյան Հադսոն ինստիտուտում առցանց սեմինարի ժամանակ, գրում են ադրբեջանական լրատվամիջոցները։

«Մենք զգալի առաջընթաց ենք գրանցել խաղաղության համաձայնագրի ուղղությամբ։ Մենք երբեք այսքան մոտ չենք եղել: Այժմ երկու երկրներն էլ ունեն պատմական հնարավորություն վերջնականապես փակելու թշնամության այս գլուխը, փոխել իրավիճակը Հարավային Կովկասի տարածաշրջանում և այն դարձնել բարիդրացիության, կայունության և խաղաղության վայր։ Ինչպես գիտեք, այս գործընթացը շարունակվում է արդեն երկար ժամանակ։ Մենք ունեցել ենք գրեթե երեք տասնամյակի միջնորդություն, բայց անցյալ դեկտեմբերի դրությամբ երկու երկրներն էլ որոշեցին, որ բանակցությունները շարունակելու և ավարտին հասցնելու ամենաարդյունավետ և ամենահեռանկարային ձևաչափը երկկողմանի ուղղակի ձևաչափն է։ Եվ այդ ժամանակից ի վեր եղել են որոշ նշանակալի ձեռքբերումներ, այդ թվում՝ վստահության ամրապնդման առումով»,- ասել է Ալիևի ներկայացուցիչը։

Ըստ Ամիրբեովի՝ եթե նայենք խաղաղության համաձայնագրի տեքստին, որը դրված է բանակցությունների սեղանին, ապա կողմերը շատ մոտ են դրա ավարտին։

«Ադրբեջանը մտադիր է անել հնարավոր ամեն բան՝ արդարացնելու ողջ միջազգային հանրության ակնկալիքները, ինչպես նաև մեկընդմիշտ լուծելու այն հարցը, որն ընկած  է այս հակամարտության հիմքում, այն է՝ Ադրբեջանի նկատմամբ Հայաստանի «տարածքային պահանջների» հարցը։ Ուստի՝ մենք հուսով ենք, որ մնացած դժվարությունները կարճ ժամանակահատվածում պատշաճ կերպով կլուծվեն, և մենք կկարողանանք հասնել  հուսալի, կայուն և անշրջելի խաղաղության»,-նշել է Ամիրբեկովը։

Խոսելով խաղաղության պայմանագրի ստորագրման հնարավոր ժամկետների մասին՝ նա ասել , որ ժամանակն անվանելը տեղին չէ։

«Սա մեծապես կախված կլինի հայկական կողմի կարողությունից և պատրաստակամությունից՝ վերացնելու խաղաղության համաձայնագրի ավարտին մնացած միակ խոչընդոտը, այն է՝ Սահմանադրությամբ ամրագրված Ադրբեջանի նկատմամբ տարածքային պահանջները։ Ինչպես արդեն նշվել է, խաղաղության համաձայնագրի տեքստի մեծ մասը համաձայնեցված է։ Մնացած բոլոր հարցերն իրագործելի են, բայց մենք չենք կարող ավելի հեռուն գնալ և խաղաղության պայմանագիր կնքել՝ աչք փակելով այս հակամարտության բուն էկզիստենցիալ պատճառի, այն է՝ Հայաստանի Սահմանադրության տարածքային պահանջների վրա։ Ուստի՝ որքան շուտ լուծվի այդ հարցը, այնքան շուտ վերջնական որոշման կհանգենք»,- ասել է Ալիևի ներկայացուցիչը։