27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
UFC-ն շարունակում է «պատժել» Արման Ծառուկյանին․ Հակոբ Գևորգյան․ ՏԵՍԱՆՅՈՒԹ
04.12.2025 | 22:00
Մարզական մեկնաբան, խառը մենամարտերի հանդիպումներ մեկնաբանած Հակոբ Գևորգյանը Factor TV-ի եթերում անդրադարձել է UFC-ի թեթև քաշային կարգի դասակարգման առաջատար Արման Ծառուկյանի շուրջ ստեղծված իրավիճակին։
Օրեր առաջ թեթև քաշային կարգի գործող չեմպիոն Իլյա Տոպուրիան հայտարարել էր, որ մինչև գարուն չի մենամարտելու ընտանեկան խնդիրների պատճառով, իսկ UFC-ն ժամանակավոր չեմպիոնի տիտղոսի համար մենամարտ էր նշանակել ամերիկացի Ջասթին Գեյջիի ու բրիտանացի Փեդի Փիմբլեթի միջև։
Այդ որոշումը ոչ միանշանակ էր ընդունվել մասնագետների կողմից։ Շատերը կարծում են, որ նորզելանդացի Դեն Հուկերի նկատմամբ հաղթանակից հետո հենց Արման Ծառուկյանն էր արժանացել չեմպիոնական մենամարտ անցկացնելուն, սակայն դա տեղի չունեցավ։ Ըստ Հակոբ Գևորգյանի՝ UFC-ում չեն մոռացել, որ հայ մարտիկն այս տարվա հունվարին հրաժարվել էր Իսլամ Մախաչևի հետ չեմպիոնական մենամարտից՝ պատճառաբանելով, որ ունի մեջքի վնասվածք։
Վերջերս 29-ամյա Ծառուկյանը հույս էր հայտնել, որ գոնե կստանա BMF գոտու համար մենամարտելու հնարավորություն և կմրցի ամերիկացի Մաքս Հոլուեյի հետ։ Հակոբ Գևորգյանը կարծում է, որ, այնուամենայնիվ, Արման Ծառուկյանի և Մաքս Հոլուեյի մենամարտը UFC-ի ամենասպասված իրադարձություններից է լինելու 2026 թվականին։
Հարցազրույցն ամբողջությամբ՝ տեսանյութում։
Դավիթ Եղիազարյան
