Քաղաքականություն
30.07.2024 | 16:24
Ռուսական զորքերն Ուկրաինայի դեմ սկսել են օգտագործել հյուսիսկորեական հեռահար ինքնագնաց հակատանկային հրթիռային Bulsae-4 համակարգը, գրում է Militarny-ն։
Ըստ աղբյուրի՝ համակարգի լուսանկարը հրապարակել է КУП Telegram-ալիքը։
«Համալիրը հայտնաբերել է ուկրաինական աերոհետախուզությունը ուղղություններից մեկում, երբ այն գտնվել է բաց տեղանքում։ Bulsae-4-ը կարող է խոցել տեսադաշտից այն կողմ գտնվող թիրախները՝ ավելի քան 10 կմ հեռավորության վրա։ Քանի որ հյուսիսկորեական զենքի բնութագրերի վերաբերյալ ստույգ տվյալներ գրեթե չկան, որոշ աղբյուրներ այս համալիրի ոչնչացման շառավիղը գնահատում են 10-25 կիլոմետրի սահմաններում։ Այս միջակայքը հնարավոր է դարձնում հենց համալիրի համար անվտանգ հեռավորությունից զրահատեխնիկայի վրա հարձակվել»,- ասվում է հրապարակման մեջ։
