07.10.2026 | 21:38
Ովքեր են ղեկավարում Սյունիքի համայնքները․ քաղաքական անցյալ, բիզնես կապեր և քրեական վարույթներ
«Էրդողանը գնում է Սադամ Հուսեյնի ճանապարհով»․ Իսրայելի ԱԳ նախարարն արձագանքել է Թուրքիայի նախագահի սպառնալիքներին
Քաղաքականություն
29.07.2024 | 11:57
Իսրայելի ԱԳ նախարար Իսրայել Կացը պատասխանել է Թուրքիայի նախագահ Ռեջեփ Թայիփ Էրդողանի սպառնալիքներին։
«Էրդողանը գնում է Սադամ Հուսեյնի հետքերով և սպառնում է հարձակվել Իսրայելի վրա։ Պարզապես թող հիշի, թե ինչ կատարվեց այնտեղ և ինչպես ավարտվեց»,- գրել է Կացը X-ը իր միկրոբլոգում՝ հրապարակելով Էրդողանի և Իրաքի նախկին նախագահի լուսանկարը։
Ավելի վաղ Էրդողանը խոսել էր Իսրայել հնարավոր ներխուժման մասին։
«Ինչպես մտանք Ղարաբաղ ու Լիբիա, նույն բանը կանենք նրանց հետ։ Պատճառ չկա չանելու։ Միայն պետք է ուժեղ լինենք, որ կարողանանք այդ քայլերն անենք»,- ասել էր Էրդողանը Ռիզեում իր ղեկավարած «Արդարություն և զարգացում» կուսակցության անդամների հետ հանդիպմանը։
Նշենք, որ Թուրքիայի նախագահն իր ելույթներում Իսրայելի վարչապետ Բենիամին Նեթանյահուին համեմատել է Ադոլֆ Հիտլերի հետ, ինչպես նաև անվանել «Գազայի դահիճ»։
