01.11.2024 | 17:22
Թրամփն իրեն ՌԴ-ի բարեկամ համարողներին «հիվանդ» է անվանել՝ հայտարարելով, թե հենց ինքն է կանգնեցրել «Հյուսիսային հոսք 2»-ը
Պեսկովը հայտարարել է ՆԱՏՕ-ին զսպելու հակաքայլերի մասին
Քաղաքականություն
11.07.2024 | 20:14
Ռուսաստանը տեսնում է, որ ՆԱՏՕ-ն շարունակում է իր ենթակառուցվածքները մղել դեպի իր սահմաններ և, ընդհանուր առմամբ, ցանկանում է ճնշել ու հասցնել ռազմավարական պարտություն։ Դա Մոսկվայից պահանջում է պատասխան գործողություններ։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը, գրում է ՏԱՍՍ-ը։
«Մենք տեսնում ենք ՆԱՏՕ-ի որոշումը՝ ստեղծելու լոգիստիկ հանգույցներ Սևծովյան քաղաքներում, Եվրոպայում լրացուցիչ կետեր բացելու համար, և մենք տեսնում ենք, որ իրականում ՆԱՏՕ-ի ռազմական ենթակառուցվածքն անընդհատ, աստիճանաբար շարժվում է դեպի մեր սահմանները»,- նշել է Պեսկովը՝ մեկնաբանելով ՆԱՏՕ-ի գագաթնաժողովի արդյունքները։
Նա նաև ուշադրություն է հրավիրել այն որոշման վրա, որ Ուկրաինան ժամանակի ընթացքում պետք է դառնա ՆԱՏՕ-ի անդամ։
«Ակնհայտ է՝ դաշինքը հետապնդում է իր գլխավոր նպատակներից մեկը՝ Ռուսաստանին ճնշել, Ռուսաստանին ռազմավարական պարտություն հասցնել։ Սա մեզ պարտավորեցնում է շատ խորը վերլուծել ընդունված որոշումներն ու տեղի ունեցած քննարկումները, շատ ուշադիր վերլուծել հռչակագրի տեքստը։ Սա շատ լուրջ սպառնալիք է մեր երկրի ազգային անվտանգությանը։ Այս ամենը մեզանից պահանջում է խոհուն, համակարգված, արդյունավետ պատասխան միջոցներ՝ ՆԱՏՕ-ին հակազդելու համար»,- եզրափակել է Կրեմլի խոսնակը։
