24.11.2024 | 16:07
1 մլրդ դրամ՝ Երևանի ու մարզերի թատրոնների, համերգային դահլիճների, նվագախմբերի համար գույք, տեխնիկա գնելու համար․ ՏԵՍԱՆՅՈՒԹ
Թուրքիայի նախագահը պաշտպանել է «Գորշ գայլերի» ժեստը ցուցադրած ֆուտբոլիստին
Քաղաքականություն
05.07.2024 | 19:48
Թուրքիայի նախագահ Ռեջեփ Թայիփ Էրդողանն արձագանքել է ազգային հավաքականի ֆուտբոլիստ Մերիհ Դեմրիալի շուրջ ստեղծված սկանդալին ու նրա որակազրկմանը։ Թուրք ֆուտբոլիստը Եվրո-2024-ի շրջանակում Ավստրիայի հետ հանդիպմանը գոլը տոնել էր ծայրահեղ ազգայնական «Գորշ գայլերի» ժեստը ցուցադրելով։
«Ինչ-որ մեկն ասո՞ւմ է, որ գերմանացիներն իրենց մարզաշապիկների վրա արծիվ ունեն: Որևէ մեկն ասո՞ւմ է՝ ֆրանսիացիների շապիկին աքլոր կա, ինչի՞ ես աքլոր հագել։ Այնտեղ Մերիհն իր հուզմունքն է արտահայտել այդ կերպ։ Մեր ԱԳ նախարարությունը զանգահարել է պաշտոնյաներին և համապատասխան քայլեր են ձեռնարկվում: Հուսանք՝ ամեն ինչ շաբաթ օրվա մասին է: Հաղթանակով կհեռանանք խաղադաշտից ու կանցնենք հաջորդ փուլ»,- ասել է Էրդողանը։
Նա նշել է, որ եթե որևէ արտառոց բան տեղի չի ունենա, որոշել են մասնակցել հանդիպմանը։
Հիշեցնենք, որ ՈՒԵՖԱ-ն այսօր պաշտոնապես հայտնել է, որ երկու խաղով որակազրկել է Թուրքիայի ազգային հավաքականի ֆուտբոլիստ Մերիհ Դեմիրալին՝ ֆուտբոլային հանդիպման ժամանակ աջ ծայրահեղական «Գորշ գայլերի» նշանը ցույց տալու համար։ ՈՒԵՖԱ-ն նշում է, որ պատժամիջոցներ է կիրառել Դեմիրալի նկատմամբ «վարքագծի ընդհանուր սկզբունքները չկատարելու, պարկեշտ վարքագծի հիմնարար կանոնները խախտելու, սպորտային միջոցառումները ոչ սպորտային վարքագծի համար օգտագործելու և ֆուտբոլի հեղինակությունը վնասելու համար»:
Դեմիրալը բաց կթողնի Անգլիայի կամ Շվեյցարիայի դեմ հնարավոր կիսաեզրափակիչը, եթե շաբաթ Թուրքիան հաղթի Նիդերլանդներին․ այս խաղին նույնպես նա չի մասնակցի:
Էմմա Չոբանյան
