07.12.2025 | 12:30
Հարավ-արևմուտքից ակտիվ ցիկլոն է ներթափանցում․ հանրապետության ողջ տարածքում տեղումներ են սպասվում
Լոլիկի արտահանումը պակասել է, վարունգինը՝ աճել․ Էկոնոմիկայի նախարարի տեղակալ․ ՏԵՍԱՆՅՈՒԹ
Տնտեսություն
03.07.2024 | 15:20
Կառավարությունը տարեցտարի ավելացնում է գյուղատնտեսության ոլորտին տրամադրվող բյուջեն, այս մասի այսօր հրավիրված մամուլի ասուլիսի ժամանակ ասաց ՀՀ էկոնոմիկայի նախարարի տեղակալ Արման Խոջոյանը։
Նրա խոսքով, եթե համեմատենք 10 տարի առաջվա հետ, գյուղատնտեսության ոլորտի բյուջեն ավելացել է 6-7 անգամ:
Փոխնախարարը տեղեկացրեց, որ այս տարվա առաջին եռամսյակի տվյալներով գյուղատնտեսական համախառն արտադրանքն աճել է 3,4 տոկոսով: Այս տարի արտահանվել է շուրջ 62 հազար տոննա թարմ պտուղ-բանջարեղեն, ինչը նախորդ տարվա նույն ժամանակահատվածի համեմատ ավելի է 10 հազար տոննայով:
«Անցած տարի արտահանել ենք 133 հազար տոննա թարմ պտուղ-բանջարեղեն: Դրա մեջ ծիրանի արտահանումը, օրինակ, կազմել է 30 հազար տոննա: Այսօրվա դրությամբ արդեն Հայաստանից արտահանվել է 20 հազար տոննա ծիրան: Լոլիկի արտահանումը մի փոքր կրճատվել է. այս տարի արտահանել ենք 6,1 հազար տոննա լոլիկ, 2023-ին՝ 14 հազար տոննա լոլիկ: Իսկ ահա, այս տարի արտահանել ենք 4700 տոննա վարունգ, իսկ նախորդ տարի այդ թիվը կազմում էր ընդամենը 400 տոննա: Անգամներով ավելացել է ծաղկի արտահանումը»,-ներկայացրեց էկոնոմիկայի նախարարի տեղակալը։
Արման Խոջոյանը նաև նշեց, որ իրենց հիմնական նպատակը ռեսուրսախնայող տեխնոլոգիաների, գյուղատնտեսության զարգացմանը միտված, ինչպես նաև գյուղատնտեսական նոր մշակույթի ձևավորմանն ուղղված ծրագրեր իրականացնելն է։
Մանրամասները՝ տեսանյութում։
