11.08.2026 | 11:42
Էմին Օհանյանը՝ շախմատի Եվրոպայի Մ-20 առաջնության միանձնյա առաջատար
Անկարան հաստատել է, որ ԱՄՆ-ն ու Թուրքիան պայմանագրեր են կնքել F-16-ների գնման հետ կապված
Քաղաքականություն
13.06.2024 | 16:49
Թուրքիան ԱՄՆ-ի հետ պայմանագրեր է կնքել F16 կործանիչների ձեռքբերման հետ կապված։ Այս մասին հայտնել են Թուրքիայի Պաշտպանության նախարարության աղբյուրները, գրում են տեղական լրատվամիջոցները։
«Պայմանագրերը կնքվել են։ Մանրամասների վերաբերյալ ուսումնասիրությունները շարունակվում են պատվիրակությունների միջև բանակցությունների միջոցով։ Մանրամասները, որոնք ի հայտ կգան ընդունված որոշումներից հետո, ավելի ուշ կներկայացվեն հանրությանը»,- ասել է աղբյուրը։
Հիշեցնենք, որ օրերս ԱՄՆ Պետքարտուղարությունը ողջունել էր Թուրքիայի կողմից պաշտոնական նամակի ստորագրումը, որը հավաստում է 23 միլիարդ դոլար արժողությամբ 40 միավոր նոր F-16 Block 70 կործանիչներ ներառող ռազմական վաճառքի փաթեթը։
«Թուրքիան ստորագրել է F-16-ներ գնելու առաջարկի և դրա ընդունման նամակը։ Վաճառքը ներդրում է ՆԱՏՕ-ի փոխգործունակության մեջ և կաջակցի Միացյալ Նահանգների, Թուրքիայի և ՆԱՏՕ-ի դաշինքի ազգային անվտանգության շահերին: Կարող եք հիշել, որ որոշ ժամանակ տևեց այս կոնկրետ վաճառքն ավարտին հասնելու համար, և մենք ուրախ ենք տեսնել, որ այն առաջ է ընթանում»,- ճեպազրույցում հայտարարել էր Պետքարտուղարության խոսնակ Մեթյու Միլլերը։
Էմմա Չոբանյան
