07.10.2026 | 20:54
Թուրքիան Սաուդյան Արաբիային տեխնիկական և պաշտպանական աջակցություն է ուղարկում՝ հութիների դեմ պայքարում օգնելու համար․ Reuters
Գրիգորյանը, Օվերչուկն ու ԵՏՀ խորհրդի անդամները քննարկել են ինտեգրացիոն համագործակցությունը
Քաղաքականություն
30.05.2024 | 12:35
ՌԴ փոխվարչապետ Ալեքսեյ Օվերչուկը և Եվրասիական տնտեսական հանձնաժողովի (ԵՏՀ) խորհրդի անդամները ՀՀ փոխվարչապետ Մհեր Գրիգորյանի գլխավորությամբ կայացած հանդիպմանը քննարկել են ինտեգրացիոն համագործակցության առանձին ոլորտների կարգավորման գործիքների կատարելագործումը։ Հանդիպումն անցկացվել է տեսակոնֆերանսի միջոցով։ Այս մասին հայտնում է ՏԱՍՍ-ը՝ վկայակոչելով ՌԴ կառավարությանը։
«Կողմերը քննարկել են միության իրավապայմանագրային դաշտի մշակման, ինտեգրացիոն համագործակցության առանձին ոլորտների կարգավորման գործիքների կատարելագործման և խորհրդի իրավասությանը պատկանող այլ հարցեր»,- ասված է հաղորդագրության մեջ։ Նիստի ընթացքում փոփոխություններ են կատարվել դեղերի գրանցման և փորձաքննության կանոններում՝ Միության շուկայում հասանելիությունն ապահովելու համար։
Բացի այդ՝ քննարկվել է միությունում կլիմայական ավելի սերտ կարգավորման անհրաժեշտությունը, ընդունվել են հանձնաժողովի զեկույցները անդրսահմանային շուկաներում մրցակցության վիճակի մասին և հանձնաժողովի զեկույցը ԵԱՏՄ արևելյան երկրների տարածքներում տրանսպորտային ենթակառուցվածքների զարգացման վերաբերյալ «Արևմուտք և Արևելք», «Հյուսիս-Հարավ» ուղղությունների վերաբերյալ, այդ թվում՝ չինական «Մեկ գոտի՝ մեկ ճանապարհ» նախաձեռնության շրջանակներում։
ԵՏՀ խորհուրդը որոշել է հաստատել ծխախոտի ակցիզային հարկի միասնական դրույքաչափի չափը 2029 թվականի համար, ինչպես նաև ԵԱՏՄ անդամ երկրներում գործող ակցիզային հարկի փաստացի դրույքաչափերի շեղման միջակայքը հաստատված ինդիկատիվ դրույքաչափից։
