19.09.2024 | 20:16
ՄԻՊ-ն ընդունել է ՄԱԿ-ի Թմրամիջոցների և հանցավորության դեմ պայքարի գրասենյակի ներկայացուցիչներին
ԵՄ առաջնորդները միացել են թբիլիսյան ցույցերին
Քաղաքականություն
14.05.2024 | 22:57
Թբիլիսիում գտնվող ԵՄ երկրների խորհրդարանների արտաքին հարաբերությունների հանձնաժողովի նախագահները միացել են Ռուսթավելիի պողոտայում «գործակալների մասին օրենքի» դեմ բողոքող ցուցարարներին։ Այս մասին տեղեկացնում է Aliq.ge-ն։
«Նրանց թվում են Լիտվայի խորհրդարանի արտաքին հարաբերությունների հանձնաժողովի նախագահ Ժիգիմանտաս Պավլիոնիսը և Գերմանիայի Բունդեսթագի արտաքին հարաբերությունների հանձնաժողովի նախագահ Միխայիլ Ռոթը։ Եվրոպացի պաշտոնյաները ելույթ են ունեցել և իրենց աջակցությունը հայտնել հակառուսական ցույցի մասնակիցներին և վրաց ժողովրդին։
Ըստ աղբյուրի՝ Ռոթը, դիմելով Ռուսթավելիի պողոտայում հավաքված հանրահավաքի մասնակիցներին, ասել է՝ «այսօր Թբիլիսին Եվրոպայի իսկական մայրաքաղաքն է, և մենք հպարտ ենք ձեզնով։ Ձեր կռիվը մեր կռիվն է, և դուք մեզնից ավելին պետք է սպասեք, քան պարզապես խոսքերն են»։
Հիշեցնենք, որ երկրորդ օրն է Թբիլիսիում են Ֆինլանդիայի, Գերմանիայի, Լիտվայի և Չեխիայի խորհրդարանների արտաքին հարաբերությունների հանձնաժողովի նախագահները:
Վրաստանի խորհրդարանը երրորդ ընթերցմամբ, դահլիճում՝ վիճաբանության ու ծեծկռտուքի, խորհրդարանի մոտ՝ ցուցարարների բողոքի ֆոնին, ընդունեց «Օտարերկրյա ազդեցության թափանցիկության մասին» օրենքը, որը հայտնի է որպես «ռուսական օրենք»:
Վրաստանի խորհրդարանն ամբողջությամբ ընդունեց «օտարերկրյա գործակալների մասին» օրենքը
