19.09.2024 | 20:07
Շահրամանյա’ն, ցույց տուր ստորագրածդ փաստաթղթերը. Վահրամ Աթանեսյան․ ՏԵՍԱՆՅՈՒԹ
Վրաստանի խորհրդարանն ամբողջությամբ ընդունեց «օտարերկրյա գործակալների մասին» օրենքը
Քաղաքականություն
14.05.2024 | 16:04
Վրաստանի խորհրդարանը երրորդ և վերջին ընթերցմամբ հավանություն է տվել «Օտարերկրյա ազդեցության թափանցիկության մասին» օրինագծին։ Այս մասին հայտնում է Ռուսթավի 2 հեռուստաալիքը։
Օրենքին կողմ է քվեարկել 84 պատգամավոր, դեմ՝ 30-ը։
Հիշեցնենք, որ Վրաստանի նախագահ Սալոմե Զուրաբիշվիլին հայտարարել էր, որ վետո կդնի «Օտարերկրյա ազդեցության թափանցիկության մասին» օրենքի վրա։ Վրաստանի Սահմանադրության համաձայն՝ նախագահն օրենքը ստորագրում և հրապարակում է 10 օրվա ընթացքում կամ մեկնաբանությունների համար վերադարձնում է խորհրդարան։ «Վրացական երազանք»-ը խորհրդարանում բավարար թվով ձայներ ունի՝ նախագահի վետոն հաղթահարելու համար։ Եթե մեկնաբանություններից հետո էլ նախագահը չի ստորագրում օրենքը, այդ լիազորությունը վերապահվում է խորհրդարանի նախագահին։
«Օտարերկրյա ազդեցության թափանցիկության մասին» օրինագիծը երկրորդ անգամ է ներկայացրել իշխող «Վրացական երազանք» կուսակցությունը։ Այն հետ էր կանչվել 2023 թվականի մարտին՝ համատարած բողոքներից հետո։ Ընդդիմության կարծիքով՝ օրինագիծը կրկնում է «օտարերկրյա գործակալների մասին» Ռուսաստանի օրենսդրությունը։
Օրինագծի քննարկումն ուղեկցվել է Վրաստանում զանգվածային բողոքի ցույցերով, որոնք շարունակվում են գրեթե մեկ ամիս։ ԱՄՆ-ն ու ԵՄ-ն քննադատել են աղմկահարույց օրինագիծը՝ հայտարարելով, որ դրա ընդունումը խոչընդոտ կհանդիսանա Վրաստանի եվրաինտեգրման ճանապարհին։
