12.08.2026 | 10:55
Պուտինն ազատ է արձակել ամերիկացի նախկին ծովային հետևակային Ռոբերտ Գիլմանին
ԵՄ-ն կչեղարկի «Սիստեմա» ԲԲԸ նախկին փոխնախագահ Սերգեյ Մնդոյանցի դեմ պատժամիջոցները․ Reuters
Քաղաքականություն
23.02.2024 | 12:34
Եվրամիությունը մարտին կչեղարկի ռուսական ֆինանսաարդյունաբերական «Սիստեմա» ԲԲԸ-ի նախկին փոխնախագահ Սերգեյ Մնդոյանցի դեմ սահմանված պատժամիջոցները։ Կչեղարկվեն նաև «Յանդեքսի» համահիմնադիր Արկադի Վոլոժի դեմ պատժամիջոցները, գրում է Reuters-ը։
ԵՄ-ում գործակալության աղբյուրը հայտնել է, որ Մնդոյանցի դեմ պատժամիջոցներըչեղարկելու պատճառ է դարձել այն, որ պատժամիջոցների ցուցակում նրա գտնվելը ճանաչվել է իրավաբանական տեսանկյունից չարդարացված։
Բացի Մնդոյանցից՝ պատժամիջոցներից կազատվեն նաև Սլովակիայի քաղաքացի Յոզեֆ Համբալեկը՝ Եվրոպայում ռուսական «Գիշերային գայլեր» ակումբի ղեկավարը։
Սերգեյ Մնդոյանցը ԵՄ պատժամիջոցների ցուցակում ընդգրկվել է 2022 թվականի ապրիլին։ Դրա պատճառը նրա կապն էր պատժամիջոցների տակ հայտնված «Սիստեմա» ԲԲԸ-ի և VLM-Invest-ի հետ։
Նույն թվականի դեկտեմբերին գործարարը հայց էր ներկայացրել Լյուքսեմբուրգի Եվրոպական դատարան՝ պահանջելով չեղարկել պատժամիջոցները։ Իր հայցում Մնդոյանցը պնդել է, որ 2012 թվականին ազատվել է «Սիստեմա»-ում աշխատանքից, իսկ 2019 թվականի փետրվարից չի աշխատել VLM-Invest-ում։ Անցյալ տարվա դեկտեմբերին դատարանը բավարարել էր գործարարի հայցը։
Մարտի 15-ից ուժի մեջ կմտնի Վոլոժի, Մնդոյանցի և Համբալեկի նկատմամբ պատժամիջոցների վերացման որոշումը։ Դրանից հետո ԵՄ կառավարությունները կկարողանան անմիջապես ապասառեցնել նրանց ակտիվները։
