01.11.2024 | 23:19
Հրդեհ Գյումրու տներից մեկում
Իսրայելի ռազմաօդային ուժերը հարձակվել են Լիբանանում գտնվող «Հըզբոլլահ»-ի բազայի վրա
Քաղաքականություն
16.02.2024 | 13:48
Իսրայելի ռազմաօդային ուժերը հինգշաբթի լույս ուրբաթ գիշեր հարձակվել են Լիբանանի հարավում գտնվող «Հըզբոլլահ»-ի բազայի վրա՝ ոչնչացնելով մի քանի արմատականների, հաղորդում է Իսրայելի պաշտպանության բանակի մամուլի ծառայությունը, փոխանցում է ՌԻԱ Նովոստին։
«Գիշերը Իսրայելի պաշտպանության բանակի մարտիկները հարվածներ են հասցրել Լիբանանի հարավում գտնվող Կանտարա քաղաքում գտնվող «Հըզբոլլահ»-ի ռազմական համալիրին: Հարվածի արդյունքում մի քանի ահաբեկիչներ են սպանվել»,-ասվում է հաղորդագրության մեջ։
Իսրայելա-լիբանանյան սահմանին իրավիճակը սրվել է 2023 թվականի հոկտեմբերին Գազայի հատվածում իսրայելական ռազմական գործողությունների մեկնարկից հետո։ Իսրայելական բանակը և լիբանանյան «Հըզբոլլահ»-ի մարտիկներն ամեն օր կրակում են միմյանց դիրքերի ուղղությամբ սահմանի երկայնքով գտնվող շրջաններում։
Լիբանանի ԱԳ նախարարության տվյալներով՝ իսրայելական հրետակոծությունների պատճառով շուրջ 100 հազար մարդ ստիպված է եղել լքել երկրի հարավում իրենց տները։
Իսրայելական կողմը հայտնել է Հյուսիսային Իսրայելի մոտ 80 հազար բնակիչների մասին, որոնք հայտնվել են նմանատիպ իրավիճակում։
