17.12.2025 | 14:50
Նոտարական գործարքներ՝ թվային միջավայրում․ ինչ փոփոխություններ են սպասվում Կադաստրի կոմիտեում․ ՏԵՍԱՆՅՈՒԹ
Վահան Քերոբյանը Քննչական կոմիտեում է․ ՈՒՂԻՂ
Հասարակություն
15.02.2024 | 16:51
Երեկ Էկոնոմիկայի նախարարի պաշտոնից ազատված Վահան Քերոբյանն այս պահին Քննչական կոմիտեում է։ Պաշտոնական որևէ տեղեկություն այս պահին քննչական կառույցը չի մանրամասնում, սակայն Factor TV-ի տեղեկություններով՝ Քերոբյանը հրավիրվել է ենթադրյալ ապօրինի չարաշահումների գործով։ Ըստ ամենայնի՝ նա այս պահին հարցաքննվում է, նրա փաստաբան Տիգրան Եգորյանը ևս քիչ առաջ ժամանեց կոմիտե։
Հիշեցնենք՝ հունվարի 31-ին ՔԿ-ն պաշտոնապես հայտարարեց, որ ՀՀ Էկոնոմիկայի նախարարությունում և տարբեր անձանց բնակարաններում՝ ընդհանուր առմամբ 15 վայրում խուզարկություններ են իրականացվել՝ ՔԿ-ում քննվող երկու քրեական վարույթի շրջանակներում, որին հաջորդեցին աղմահարույց ձերբակալություններ։ Մասնավորապես, երկու վարույթներով ձերբակալվել էր յոթ անձ, այդ թվում՝ Էկոնոմիկայի՝ պաշտոնից ազատված փոխնախարար Անի Իսպիրյանը և Պետական ներդրումների քաղաքականության վարչության պետ Լիլյա Սիրականյանը, ինչպես նաև «Սիներջի» ընկերության տնօրեն Աշոտ Հովհաննիսյանը, նախկին աշխատակից Անի Գևորգյանը․ նա ԱԺ նախագահ Ալեն Սիմոնյանի եղբոր կինն է։ Իսպիրյանի նկատմամբ որպես խափանման միջոց սահմանվեց տնային կալանքը, իսկ Գևորգյանը գրավի դիմաց ազատ արձակվեց։
