12.08.2026 | 21:00
Քրեական գործեր եղել են և կլինեն հետագայում․Հակոբյանը՝ ընդդիմությանը ճնշելու հարցին ի պատասխան. ՏԵՍԱՆՅՈՒԹ
Մոսկվայի դատարանը հեռակա կալանավորել է Ուկրաինայի հետախուզական ծառայության ղեկավարին
Քաղաքականություն
25.12.2023 | 17:19
Մոսկվայի Բասմանի դատարանը ահաբեկչության մեղադրանքով հեռակա կալանավորել է Ուկրաինայի հետախուզության գլխավոր վարչության պետ, գեներալ-լեյտենանտ Կիրիլ Բուդանովին։ Այս մասին հայտնել է Մոսկովյան դատարանների միավորումը տելեգրամյան իր ալիքում, փոխանցում է ՌԲԿ-ն։
«Բուդանովը մեղադրվում է Ռուսաստանի Դաշնության Քրեական օրենսգրքի 205-րդ հոդվածի (ահաբեկչական գործողություն) հատկանիշներով նախատեսված թվով 104 հանցագործության կատարման մեջ»,-ասել են դատարանում։ Այս հոդվածով առավելագույն պատիժը 20 տարվա ազատազրկումն է։
Ուկրաինայի հետախուզական ծառայության ղեկավարի հեռակա կալանավորումը երկու ամիս ժամկետով է և հաշվարկվելու է Ռուսաստանում նրա արտահանձնման կամ ձերբակալման պահից։
Հիշեցնենք, որ դեկտեմբերին կեսերին ՌԴ-ն Բուդանովի նկատմամբ հետախուզում էր հայտարարել։ Ռուսաստանի Քննչական կոմիտեն հոկտեմբերի սկզբին հայտարարել էր, որ հեռակա մեղադրանք է առաջադրել ուկրաինացի չորս զինվորականների, այդ թվում՝ Կիրիլ Բուդանովի դեմ «ահաբեկչական գործողություններ կատարելու համար»։ Քննչական կոմիտեն նրանց համարում է ռուսական օբյեկտների վրա անօդաչու թռչող սարքերի հարձակումների մասնակից։ Նախկինում էլ Բուդանովի դեմ մեղադրանք էր առաջադրվել Ռուսաստանում ահաբեկչական համայնք ստեղծելու հետ կապված, մի խումբ անձանց կողմից ահաբեկչություն իրականացնելու և զենք ու պայթուցիկ նյութեր պահելու համար։
