25.02.2026 | 11:44
«Վեոլիա Ջուր»-ը՝ գիշերները ջրամատակարարումը դադարեցնելու մասին
Ի պաշտպանություն Ռոբերտ Քոչարյանի ստորագրահավաքին միացել է 41 պատգամավոր, նրանց անունները կհրապարակվեն
Քաղաքականություն
01.08.2018 | 15:07
Ազգային ժողովի 41 պատգամավոր միացել է ՀՀ 2-րդ նախագահ Ռոբերտ Քոչարյանի խափանման միջոցը փոխելու վերաբերյալ ստորագրահավաքին։ Այս մասին Factor.am-ին փոխանցեց Ռոբերտ Քոչարյանի գրասենյակի ղեկավար Վիկտոր Սողոմոնյանը։
«Այս պահին ստորագրահավաքին միացել է 41 պատգամավոր, որոնց թվում են Ազգային ժողովի նախագահն ու երկու փոխնախագահները։ Ստորագրահավաքին միացած պատգամավորների մեծ մասը ԱԺ ՀՀԿ խմբակցությունից է։ Այս պահին զերծ կմնամ անուններ հրապարակելուց, բայց, երբ ստորագրահավաքն ամբողջությամբ ավարտվի, կհրապարակենք, թե ովքեր են նրանք»,- մեզ հետ զրույցում ասաց Սողոմոնյանը։
Վերջինս նշեց, որ ստորագրահավաքին միացած պատգամավորները կաշկանդված չեն և տվել են համաձայնություն, որ իրենց անունները հրապարակվեն։
Հիշեցնենք, որ ստորագրահավաքը նախաձեռնել է ԱԺ ՀՀԿ խմբակցությունը։
Աղավնի Սուքիասյան
