20.05.2024 | 23:16
Հրամանատարաշտաբային զորավարժությանը խաղարկվել են իրական պայմաններին մոտեցված մարտավարական դրվագներ
Ադրբեջանական աղբյուրների պնդմամբ՝ Արայիկ Հարությունյանը հարցաքննվել է Բաքվում
Քաղաքականություն
04.10.2023 | 12:57
Ադրբեջանական լրատվամիջոցները հայտնում են, որ Արցախի նախկին նախագահ Արայիկ Հարությունյանը, որը նախօրեին առևանգվել ու տարվել է Բաքու, հարցաքննվել է։ Նշվում է, որ այս մասին հայտնել է Հարությունյանի փաստաբան նշանակված Ալով Սաֆարալիևը։
«Հարությունյանը հարցաքննվել է։ Միայն կարող եմ ասել, որ նրա տված ցուցմունքը կօգնի գտնել բազմաթիվ հարցերի պատասխաններ։ Ես կպաշտպանեմ նրան Ադրբեջանի օրենքների, միջազգային կոնվենցիաների և իրավական էթիկայի պահանջներին համապատասխան, մի խոսքով՝ բարեխղճորեն կկատարեմ իմ մասնագիտական պարտքը»,- ասել է փաստաբանը։
Ի դեպ, պաշտոնական Բաքուն Արայիկ Հարությունյանին ապօրինի ձերբակալելու մասին տեղեկություններ չի հաղորդել։
Հիշեցնենք, որ նախօրեին Բաքուն ապօրինի ձերբակալել էր նաև Արցախի Հանրապետության նախկին նախագահներ Արկադի Ղուկասյանին, Բակո Սահակյանին և Ազգային ժողովի նախագահ Դավիթ Իշխանյանին։
Էմմա Չոբանյան
