07.10.2026 | 21:25
Հայաստանում երկաթգծերը վերականգնելու նախագծման մրցույթին ղազախական ու ուզբեկական ընկերություններ են մասնակցել, բայց չեն հաղթել
Լոնդոնի «Գեթվիկ» օդանավակայանը տասնյակ թռիչքներ է չեղարկել ավիադիսպետչերների խիստ պակասի պատճառով
Քաղաքականություն
26.09.2023 | 22:55
Լոնդոնի «Գեթվիկ» օդանավակայանը երեքշաբթիից կիրակի ընկած ժամանակահատվածում չեղյալ է հայտարարել ավելի քան 160 չվերթ՝ օդային երթևեկության կարգավարների խիստ պակասի պատճառով, գրում է Euronews-ը:
Որոշումն ընդունվել է NATS-ի՝ բրիտանական օդային երթևեկության վերահսկման մարմնի հետ խորհրդակցելով։ Կարգավարների 30 տոկոսը ներկայում բացակայում է «տարբեր բժշկական պատճառներով, ներառյալ՝ Covid-ը», պարզաբանել են NATS-ում:
Թռիչքներն օրական մինչև 800-ը սահմանափակելը «թույլ կտա խուսափել վերջին րոպեների չեղարկումներից և ուշացումներից», մինչ NATS-ը զբաղվում է հիվանդների արձակուրդների և անձնակազմի պակասի հարցերով, ասվում է հաղորդագրության մեջ:
Ամենամեծ թվով չվերթների չեղարկումը (33 մեկնում) կգրանցվի ուրբաթ՝ սեպտեմբերի 29-ին, պարզաբանել է օդանավակայանի գործադիր տնօրեն Ստյուարտ Ուինգեյթը
Մեծ Բրիտանիայի օդային երթևեկության հսկողությունը դժվարանում է այն բանից հետո, երբ օգոստոսի վերջին տեղի ունեցած վիթխարի խափանումը հանգեցրեց երկու օրվա ընթացքում շուրջ 2000 թռիչքների չեղարկման և բազմաթիվ ուշացումների:
Չնայած անցյալ տարի Մեծ Բրիտանիայում վերացվել են COVID-19-ի բոլոր սահմանափակումները, կորոնավիրուսով ախտորոշված մարդկանց խորհուրդ է տրվում չգնալ աշխատանքի։
