09.12.2025 | 23:31
Եվրոպական հանձնաժողովը հետաքննություն է սկսել Google-ի դեմ
Ովքե՞ր են այս տարվա լավագույնները. ամփոփվեց «Արտավազդ» մրցանակաբաշխությունը․ ԼՈւՍԱՆԿԱՐՆԵՐ
Մշակույթ
27.03.2023 | 22:05
Արդեն 22-րդ տարին է` Հայաստանի թատերական գործիչների միությունը մարտի 27-ին` Թատրոնի միջազգային օրը, Հայաստանում անցկացնում է «Արտավազդ» մրցանակաբաշխությունը: Այսպիսով` Հ․ Պարոնյանի անվան երաժշտական կոմեդիայի պետական թատրոնում ամփոփվել են մրցանակաբաշխության արդյունքները:
«Լավագույն կին դերակատար» է դարձել Տաթև Ղազարյանը («Միզերի» ներկայացման մեջ իր դերակատարման համար. Գյումրու Վ․ Աճեմյանի անվ․ դրամատիկական թատրոն), իսկ «Լավագույն տղամարդ դերակատար` Նարեկ Բաղդասարյանը ( «Խատուտիկի գինի» ներկայացման մեջ դերակատարման համար. Ս. Սարգսյանի անվ. Համազգային թատրոն):
«Լավագույն երիտասարդ դերասանուհի» անվանակարգում հաղթող ճանաչվեց Անահիտ Վասիլյանը («Ռոմեո և Ջուլիետ» ներկայացման մեջ իր դերակատարմանհամար. Ա. Սպենդիարյանի անվան օպերայի և բալետի ազգային ակադեմիական թատրոն) և Ջեմմա Ադամյանը ( «Սպասում» ներկայացման մեջ դերակատարման համար. Գյումրու Վ․ Աճեմյանի անվ․ դրամատիկական թատրոն)։ «Լավագույն երիտասարդ դերասան» տիտղոսին արժանացավ Սեյրան Մովսիսյանը («Սիրելի Ելենա Սերգեեւնա» ներկայացման մեջ իր դերակատարման համար. Պատանի հանդիսատեսի թատրոն):
Լավագույն ռեժիսուրայի համար մրցանակ ստացավ Գոռ Մարգարյանը («Միզերի» ներկայացում` Գյումրու Վ․ Աճեմյանի անվ․ դրամ․ թ-ն, «Բովանդակություն» ներկայացում` Երևանի թատրոնի և կինոյի ինստիտուտի, Գյումրու Վ․ Աճեմյանի անվ․ թ-ի հետ համատեղ նախագծի շրջանակում):
Նշենք, որ «Արտավազդ» մրցանակաբաշխությունն այս տարի նվիրված էր ՀՀ ժողովրդական արտիստ Վահե Շահվերդյանի հիշատակին:
