07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
ԱՄՆ Պետդեպն անհանգստացած է Ադրբեջանում քաղաքական կուսակցությունների մասին նոր օրենքի կապակցությամբ
Քաղաքականություն
17.03.2023 | 14:45
ԱՄՆ-ն անհանգստացած է Քաղաքական կուսակցությունների մասին Ադրբեջանում ընդունված վերջին օրենքի առնչությամբ։ Այս մասին հայտարարել է ԱՄՆ Պետքարտուղարության մամուլի խոսնակ Նեդ Փրայսը թվիթերյան գրառմամբ։
«ԱՄՆ-ն անհանգստացած է Ադրբեջանի կողմից Քաղաքական կուսակցությունների մասին վերջին օրենքի կապակցությամբ Մենք կոչ ենք անում իշխանությւոններին՝ հաշվի առնել Վենետիկի հանձնաժողովի ու ԵԱՀԿ ԺՀՄԻԳ-ի առաջարկությունները և հարգել հիմնարար ազատությունները, այդ թվում՝ միավորումների»,- ասվում է Փրայսի գրառման մեջ։
Հավելենք, որ վերջերս Ադրբեջանում ընդունվել է նոր օրեք, որը սահմանափակում է ընդդիմության գործունեության՝ առանց այն էլ սահմանափակ տարածքը։
Եվրոպայի խորհրդի Վենետիկի հանձնաժողովը և ԵԱՀԿ Ժողովրդավարական հաստատությունների և մարդու իրավունքների գրասենյակը քննադատել են նոր օրենքը՝ նշելով, որ այն «ներդնում է մի շարք նոր խնդրահարույց դրույթներ, որոնք զսպող ազդեցություն ունեն երկրում բազմակարծության վրա»։
Էմմա Չոբանյան
