15.11.2024 | 11:00
Կառավարության նիստը՝ ՈՒՂԻՂ
Տգիտությունը, պետության վերաբերմունքը և «Կուշտունիցան». ապաքաղաքական զրույց Արմեն Մարտիրոսյանի հետ. ՏԵՍԱՆՅՈՒԹ
Հասարակություն
18.12.2022 | 21:00
Factor TV-ի A-Politic հաղորդաշարի հյուրն է հրատարակիչ, հասարակական գործիչ Արմեն Մարտիրասյանը: Նրա կարծիքով, նույնիսկ այս՝ փաստացի պատերազմական վիճակում, ամեն մեկը պետք է շարունակի կատարել իր պարտականությունները,և դա անի շատ ավելի լավ, քան առաջ: Գրագիտությունից, կրթությունից նույնպես պետք է խոսել․ հնարավոր չէ հետաձգել այդ խնդիրները՝ սպասելով ավելի «լավ ժամանակներին», քանի որ անգրագետ հասարակության պայմաններում լավ ժամանակներ ընդհանրապես չեն գալու:
Հաղորդման հյուրի պնդմամբ 30 տարվա ընթացքում Հայաստանի բոլոր իշխանությունները պատշաճ ուշադրություն չեն դարձրել ոլորտին: Մասնավորապես, չեն համալրվում գրադարանները, չի բարձրացվում գրադարանավարների աշխատավարձը, տարրական դպրոցում չեն դրվում կարդալու ունակությունների հստակ պահանջներ: Քանի որ այդ ամենը չի արվում, Արմեն Մարտիրոսյանի համոզմամբ, երեխաների 35 տոկոսը կամ չի կարողանում կարդալ, կամ էլ կարդացածը չի հասկանում:
Կարդալու անհրաժեշտությունը հիմնավորպելու համար հրատարակիչը բերում է հետևյալ օրինակը. Ռոբերտ Քոչարյանը չէր ասի «Կուշտունիցա», եթե այդ ռեժիսորի ազգանունը երբևէ կարդար գրավոր տեքստում: Ընդհանրապես, Արմեն Մարտիրոսյանի համոզմամբ, միայն հետխորհրդային տարածքի և նման այլ երկրներում է, որ տարբեր օղակներում պաշտոններ են զբաղեցնում քիչ կարդացած մարդիկ, և դա իր անմիջական ազդեցությունն է թողնում, թե՛ հասարակությունների, և թե՛ պետությունների վրա:
Մանրամասները՝ տեսանյութում:
