25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Էրդողանի խոսնակը հայտարարել է, որ Թուրքիան Սիրիայում չի թիրախավորի ԱՄՆ-ի, ՌԴ-ի և Իրանի ուժերին
Քաղաքականություն
05.12.2022 | 20:21
Սիրիայում հնարավոր ռազմական հարձակման դեպքում Թուրքիան չի թիրախավորի ՌԴ-ի, ԱՄՆ-ի կամ Իրանի զորքերին։ Այս մասին հայտարարել է Թուրքիայի նախագահի մամուլի խոսնակ, գլխավոր խորհրդական Իբրահիմ Քալընը, գրում է Bianet-ը։
«Մենք ունենք մեխանիզմ ռուսների և ամերիկացիների հետ: Մենք չենք թիրախավորում ռուս կամ ամերիկացի զինվորներին կամ ռազմական հենակետերը Սիրիայում և այլուր: Մեր թիրախները PKK/PYD/YPG-ի տարրերն են, և մենք նրանց ասում ենք, որ հեռու մնան այդ տարրերից։ Մենք մեր դաշնակիցներին ուղարկել ենք այն հաղորդագրությունը, որ մենք չենք թիրախավորելու ԱՄՆ ուժերը, քաղաքացիական անձանց, Ռուսաստանի կամ Իրանի ուժերը, և որ մեր թիրախները հատկապես PKK-ի և PYD/YPG-ի տարրերն են»,- ասել է Քալընը Al Jazeera-ի հետ հարցազրույցում։
Նոր ռազմական հարձակման մասին խոսելիս նա նշել է, որ «ոչ մեկից թույլտվություն չեն հարցնում, երբ բախվում են ազգային անվտանգության սպառնալիքի, այլ միայն այն համակարգում են դաշնակիցների հետ»։
Հավելենք, որ Պենտագոնը կտրուկ դեմ էր արտահայտվել Սիրիայում Թուրքիայի նոր հնարավոր ցամաքային գործողությանը։
Էմմա Չոբանյան
